zahid عرب ممالک میں پاکستانیوں کے تحفظ کیلئے حکمت عملی بنائی جائے، میاں زاہد حسین
The news is by your side.

Advertisement

عرب ممالک میں پاکستانیوں کے تحفظ کیلئے حکمت عملی بنائی جائے، میاں زاہد حسین

اسلام آباد : بزنس مین پینل کے سینئر وائس چیئر مین اور سابق صوبائی وزیر میاں زاہد حسین نے کہا ہے کہ عرب ممالک کے تیزی سے بدلتے ہوئے حالات کے پیش نظر حکومت عرب ممالک میں اپنے مفادات اور تارکین وطن کے تحفظ کیلئے جامع حکمت عملی بنائے۔

یہ بات انہوں نے ایک بیان میں کہی, اپنے ایک بیان میں انہوں نے کہا کہ سعودی عرب کو ترجیح دی جائے جہاں بیس لاکھ پاکستانی روزگار کے سلسلے میں مقیم ہیں جو بھاری مقدار میں زر مبادلہ بھیج کر ملکی معیشت میں اہم کردار ادا کر رہے ہیں۔

میاں زاہد حسین کا کہنا تھا کہ اس وقت چالیس لاکھ پاکستانی دیگر ممالک میں روزگار کے سلسلے میں مقیم ہیں جن میں سے نصف تعداد مزدوروں کی ہے اور باقی ہُنرمند ہیں جبکہ صرف دو فیصد افراد اعلیٰ تعلیم یافتہ ہیں۔

انہون نے مزید کہا کہ تعلیم یافتہ افراد کی شرح میں اضافے سے ملکی امیج اور زرمبادلہ کی آمدنی میں اضافہ اور بے روزگاری میں کمی لائی جا سکتی ہے جس کے لئے پاکستان اوورسیز ایمپلائیمنٹ پروموٹرز ایسوسی ایشن کے دیرینہ مسائل کو حل کرنا اور ان سے مشاورت کرنا ضروری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

 

Comments

comments

یہ بھی پڑھیں