site
stats
انٹرٹینمںٹ

عرب گلوکارہ امل حجازی نے شوبز کو چھوڑ کر روحانیت کا راستہ چُن لیا

قاہرہ : لبنانی گلوکارہ امل حجازی نے موسیقی کی دنیا کو خیر باد کہہ دیا اور روحانیت کا راستہ منتخب کرتے ہوئے اپنی بقیہ زندگی کو اسلامی شعائر کے مطابق گزارنے کا فیصلہ کیا ہے جس کا آغاز نعتیہ کلام سے کیا.

اس بات اعلان انہوں نے سماجی رابطے کی ویب سائٹ پر اپنی ایک پوسٹ میں کیا جس میں امل حجازی نے اپنے مداحوں کو گلو کاری ترک کر کے بقیہ زندگی اسلام کی تعلیمات کے تحت گذارنے کا فیصلہ کیا ہے.

سماجی رابطے کی ویب سائٹ پر اپنے پیغام میں انہوں نے نبی آخری الزماں حضرت محمد صلی اللہ علیہ و آلیہ وسلم کی شان میں ایک نعت پڑھ کر اپنے نئی طرز زندگی کا آغاز کیا جسے مداحوں نے خوشگوار تبدیلی کا نام دیا.

 

امل حجازی نے سوشل میڈیا پر لکھا کہ اللہ نے میری دعاؤں کو قبولیت کی سند بخشی اور میرے دل کو اپنی راہ دکھائی جس سے میرے قلب و ذہن میں جاری انتشار اور بے چینی اب سکون اور اطمینان میں تبدیل ہو چکی ہے جس کی میں عرصے متلاشی بھی تھی.

 

معروف عرب گلوکارہ امل حجازی کے اس فیصلے کو مداحوں نے سراہتے ہوئے ان میں آنے والی مثبت تبدیلی کی تعریف کی، نیک خواہشات کا اظہار کیا اور استقامت کی دعا کی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top