The news is by your side.

Advertisement

کے الیکٹرک سے مکمل تعاون کررہے ہیں تاکہ پانی نکال سکیں،وزیراعلیٰ سندھ

کراچی: وزیراعلیٰ سندھ مراد علی شاہ کا کہنا ہے کہ کے الیکٹرک سےمکمل تعاون کررہے ہیں تاکہ پانی نکال سکیں۔

تفصیلات کے مطابق وزیراعلیٰ سندھ مراد علی شاہ نے میڈیا سے گفتگو کرتے ہوئے کہا کہ برساتی پانی کی وجہ سے جلوس کے روٹ میں معمولی تبدیلی کی۔

مراد علی شاہ کا کہنا تھا کہ اس وقت تھوڑا سا پانی یوسف گوٹھ ، کھارادر کے اطراف میں رہ گیا ہے،اس شہر کے ساتھ ایسا ظلم ہوا ہے کہ نالے بند کر دیےگئے۔

انہوں نے کہا کہ رہائشی علاقوں کو کمرشل،پارکس رہائشی علاقوں میں تبدیل کیےگئے،کوشش کررہے ہیں پرانی پانی کی نکاسی کی لائنیں بحال کریں۔

وزیراعلیٰ سندھ کا کہنا تھا کہ میں نے کے الیکٹرک کے دفتر کا دورہ بھی کیا،کے الیکٹرک سے مکمل تعاون کر رہے ہیں تاکہ پانی نکال سکیں، ہم نے کے الیکٹرک کو کہا ہے کہ ایس او پیز بنائیں،ایسے ایس او پیز بنائیں کہ انسٹالیشنز سے پانی کی نکاسی یقینی ہو۔

مراد علی شاہ نے کہا کہ میں نے شہر کو آفت زدہ ڈکلیئر کر دیا ہے،ڈی سی جانی و مالی نقصانات کا سروے کر رہے ہیں،کوشش کریں گے وفاق سے مدد لے کر عوام کو مالی ریلیف دیں۔

Comments

یہ بھی پڑھیں