پاکستانی ڈرامہ انڈسٹری کی معروف اداکارہ اریبہ حبیب کی شادی کا آغاز ہوگیا، ان کی مایوں کی ویڈیوز اور تصاویر سوشل میڈیا پر وائرل ہورہی ہیں۔
اے آر وائی ڈیجیٹل کے ڈرامے ’جلن‘ میں ’مینو‘ کا کردار نبھانے والی اریبہ حبیب کی مایوں کی تصاویر اور ویڈیوز سوشل میڈیا پر وائرل ہوگئی، اداکارہ کی مایوں کی تقریب میں ساتھی اداکاروں اور قریبی عزیز نے شرکت کی۔
اریبہ حبیب کو تصاویر میں سرسوں کے رنگ کا لباس اور پھولوں کا زیور پہنے ہوئے دیکھا جاسکتا ہے۔
وائرل تصویروں میں اریبہ حبیب اپنی مہندی کی رسم خود بھی انجوائے کررہی ہیں اور مہمانوں کو چائے پیش کرتے ہوئے نظر آ رہی ہیں۔
اریبہ حبیب اپنی ساتھی اداکاراؤں اور سہیلیوں کے ساتھ خوشگوار موڈ میں ڈانس بھی کر رہی ہیں، اُن کی مہندی پر اداکارہ ثنا فخر، ژالے سر حدی کو بھی دیکھا جا سکتا ہے۔
اس سے قبل اداکارہ کی جانب سے بات پکی سمیت شادی کے کارڈ کی بھی تصاویر شیئر کی جاچکی ہیں تاہم انہوں نے اپنے ہونے والے شوہر کے حوالے سے کوئی تفصیلات نہیں بتائیں۔
اریبہ حبیب سعدین عمران نامی شخص کے ساتھ رشتہ ازدواج میں منسلک ہوں گی۔