The news is by your side.

Advertisement

کم عمر ترین آئی ٹی انجنئیر ارفع کریم کو بچھڑے4برس بیت گئے

کراچی : پاکستان کاروشن حوالہ، کم عمری میں ہی پاکستان کی پہچان بننے والی کم عمر ترین آئی ٹی انجنئیر ارفع کریم کو بچھڑے چار برس بیت گئے۔

قوم کو کم عمری میں ابدی جدائی دے جانے والی کم عمرترین مائیکرو سافٹ انجینیئر اور باذوق شاعرہ ارفع کریم کی آج چوتھی برسی منائی جا رہی ہے، ارفع کریم رندھاوا نے دو ہزار چار میں صرف نو سال کی عمر میں دنیا کی کم عمر ترین آئی ٹی انجینئر کے طور پر پاکستان کا نام دنیا بھر میں روشن کیا۔

دو ہزار پانچ میں مائیکرو سافٹ کے خالق بل گیٹس نے ارفع کریم سے خصوصی ملاقات کی اور انھیں مائیکرو سافٹ سرٹیفائیڈ ایپلی کیشن کی سند عطا کی۔

پرائیڈ آف پرفارمنس، مادرملت جناح طلائی تمغہ اور سلام پاکستان یوتھ ایوارڈ اپنے نام کرنیوالی ارفع ابھی اپنے روشن مستقبل کو خوش آمدید کہہ رہی تھیں کہ خالق حقیقی سے جا ملیں لیکن مائیکرو سافٹ کی تاریخ میں ناقابل فراموش نقوش چھوڑ گئیں۔

Comments

comments

یہ بھی پڑھیں