The news is by your side.

Advertisement

ارجنٹائن اور آئس لینڈ کا میچ ایک ایک گول سے برابر، آسٹریلیا کی فرانس کے ہاتھوں شکست

ماسکو: فٹبال ورلڈ کپ میں گروپ ڈی کے میچ میں ارجنٹائن اور آئس لینڈ کا میچ ایک ایک گول سے برابر ہوگیا جبکہ فرانس نے  آسٹریلیا کو 2-1 سے شکست دے دی، ڈنمارک نے پیرو کو صفر کے مقابلے میں ایک گول سے شکست دے دی۔

تفصیلات کے مطابق گروپ ڈی میں آئس لینڈ اور ارجنٹائن کے درمیان میچ کھیلا گیا جس میں میسی کی غلطی کی بدولت میچ ایک ایک گول سے برابر ہوگیا، دونوں گول پہلے ہاف میں ہوئے، میسی نے پنالٹی کک ضائع کردی۔

آسٹریلیا بمقابلہ فرانس

پہلے میچ میں آسٹریلیا نے فرانس کو کا جم کر مقابلہ کیا اور پہلے ہاف میں کوئی گول نہ ہوسکا، دوسرے ہاف میں فرنچ کھلاڑی کے گرنے کے سبب ریفری نے ویڈیو ری پلے پر فرانس کو پنالٹی ایوارڈ کی جس پر فرانس نے گول اسکور کیا۔

فرانس کے پہلا گول کرنے کے چار منٹ بعد ہی سوکروز کو پنالٹی ملی جس پر انہوں نے گیند کو جال میں پہنچا کر گول برابر کردیا۔

آسٹریلیا نے فرانس کا بھرپور مقابلہ کرتے ہوئے انہیں گول کرنے سے روکے رکھا تاہم 81 ویں منٹ فرانسیسی اسٹار پال پوگبا نے گول کرکے فرانس کو برتری دلادی جو میچ کے اختتام تک برقرار رہی۔

ارجنٹائن بمقابلہ آئس لینڈ

دوسرے میچ کے لیے ارجنٹائن کو فیوریٹ قرار دیا جارہا تھا جبکہ آئس لینڈ کا ورلڈ کپ میں یہ پہلا میچ تھا۔

ارجنٹائن کے اگویرو نے میچ کے 19 ویں منٹ میں گول کرکے اپنی ٹیم کو برتری دلادی تاہم چار منٹ بعد ہی الفریڈ فنن بوگاسن نے آئس لینڈ کے لیے پہلا گول کرکے میچ برابر کردیا۔

میچ میں لیونل میسی نے پنالٹی کک ضائع کی اور برتری حاصل کرنے کے لیے سرتوڑ کوشش کرتے رہے تاہم وہ کامیاب نہ ہوسکے اور میچ ایک، ایک کی برابری پر اختتام کو پہنچا۔

ڈنمارک بمقابلہ پیرو

ڈنمارک نے پیرو کو صفر کے مقابلے میں ایک گول سے شکست دے دی، ڈنمارک کی جانب سے فیصلہ کن گول یوسوف پولیسن نے کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں