بیونس آئرس: باکسنگ خونی کھیل بن گیا، ایک ہفتے میں دوسرا باکسر دوران فائٹ زخمی ہوکر جان کی بازی ہار گیا۔
غیرملکی خبررساں ادارے کے مطابق ارجنٹینا کے باکسر ہوگو سانٹیلان ایڈوارڈو جیویئر سے لائٹ ویٹ فائٹ کے دوران بری طرح انجرڈ ہوئے، ہوگو کو اسپتال منتقل کیا گیا لیکن 23 سالہ کھلاڑی زخموں کی تاب نہ لاتے ہوئے انتقال کرگئے۔
ڈیلی میل کی رپورٹ کے مطابق ہوگو سانٹیلان فائٹ جیتنے اور رنگ بیل جیتنے کے بعد جشن منانے کے لیے ہاتھ بلند کررہے تھے کہ ان کو دو ہارٹ اٹیک ہوئے اور وہ گر پڑے، کہا جارہا ہے ان کے سر پر بھی شدید چوٹ لگی تھی۔
🇦🇷 Terrible incompetence scene in Abreu vs Santillan fight
🥊Details:https://t.co/mcF45Ztyhf#boxing #boxe #boxeo #Boks #boxen #бокс #box #TTR #video #The13thRound #PacquiaoThurman #Thurman #Pacquiao #UgasFigueroa #ThurmanPacquiao #PBConFox #PBConFOXPPV #ChisoraSzpilka pic.twitter.com/2CBK8r8bUO
— The13thRound (@BoxingHls) July 21, 2019
ان کی موت ایڈوارڈو جیویئر سے فائٹ کے 13 ویں راؤنڈ میں ہوئی، اسپتال لے جانے سے قبل انہیں فرسٹ ایڈ کے طور پر آکسیجن بھی فراہم کی گئی تاہم وہ اسپتال میں انتقال کرگئے۔
ارجنٹینا باکسنگ فیڈریشن کا کہنا ہے کہ ہم ان کی فیملی کے دکھ میں برابر کے شریک ہیں ان کی فیملی کو مالی امداد کے ساتھ سپورٹ کیا جائے گا۔
ورلڈ باکسنگ کونسل نے سماجی رابطے کی ویب سائٹ ٹویٹر پر ہوگو سانٹیلان کے انتقال پر افسوس کا اظہار کیا ہے۔
باکسنگ پروموٹر کیلے سورولینڈ کا اپنے ٹویٹ میں کہنا تھا کہ یہ ہفتے باکسنگ کے لیے اچھا نہیں گزرا ہے۔
مزید پڑھیں: روسی باکسر دوران فائٹ سر پر چوٹ لگنے سے انتقال کرگیا
یاد رہے کہ چار روز قبل میکسم داداشیو، سوبرایل سے لڑائی کے دوران بری طرح زخمی ہوئے تھے، گیارہویں راؤنڈ میں داداشیو کو دماغ پر چوٹ لگی، اسپتال لے جایا گیا لیکن زخم اتنے گہرے تھے کہ وہ جانبر نہ ہوسکے۔
