کراچی والوں‌ کا شکریہ، ووٹوں کی بدولت صدر کے لیے نامزد ہوا، عارف علوی
The news is by your side.

Advertisement

کراچی والوں‌ کا شکریہ، ووٹوں کی بدولت صدر کے لیے نامزد ہوا، عارف علوی

اللہ کے حضور دعا ہے کہ عمران خان کامیاب ہوں

کراچی: تحریک انصاف کے رہنما ڈاکٹر عارف علوی نے کہا ہے کہ صدر کے لیے نامزد کرنے پر عمران خان کا مشکور ہوں، صدراتی نامزدگی شہر قائد کے ووٹوں کی بدولت ممکن ہوئی، تمام ووٹرز کا شکر گزار ہوں۔

تفصیلات کے مطابق کراچی میں تحریک انصاف رہنماؤں کے ہمراہ پریس کانفرنس کرتے ہوئے ڈاکٹر عارف علوی کا کہنا تھا کہ جو وعدے کیے گئے وہ پورے کریں گے، ملک سے غربت کا خاتمہ ہوگا اور بے روزگاروں کو ملازمتیں ملیں گی۔

اُن کا کہنا تھا کہ ’میں عمران خان اورتحریک انصاف کی جانب سے صدر کے لیے نامزدگی پرشکرگزارہوں، اللہ سےدعاگوہوں کہ تحریک انصاف کو ہر قدم پر کامیابی ملے اور عمران خان جو بہتری چاہتے ہیں اُس میں کامیاب ہوں‘۔

مزید پڑھیں: عمران خان نے ڈاکٹرعارف علوی کو صدارتی امیدوارنامزد کردیا

عارف علوی کا کہنا تھا کہ عمران خان قوم سے خطاب میں عوام کو روڈمیپ سےمتعلق آگاہ کریں گے، سندھ کے حالات ٹھیک کرنے کے لیے پی پی کو مل کر کام کرنے کی دعوت دی کیونکہ ہم سب کو مل کر مسائل حل کرنے ہیں‘۔

اُن کا کہنا تھا کہ ’کراچی کے ووٹوں کی بدولت صدر کی نامزدگی ہوئی، عوام اور عمران خان کا مشکور ہوں کہ انہوں نے تحریک انصاف پر اعتماد کا اظہار کرتے ہوئے ہمیں موقع فراہم کیا‘۔

عارف علوی کا کہنا تھا کہ ‘عوام سےمیراتعلق کبھی کم نہیں ہوگا، قوم ہمارا ساتھ دے جلد بڑی تبدیلی آنے والی ہے کیونکہ ہم نے عمران خان کی قیادت میں نیا سفر شروع کردیا‘۔

Comments

comments

یہ بھی پڑھیں