The news is by your side.

Advertisement

صدرعارف علوی کی حافظ نعیم الرحمان سے ملاقات، عافیہ صدیقی کی رہائی سےمتعلق بات چیت

کراچی : صدر مملکت عارف علوی سے جماعت اسلامی رہنماحافظ نعیم الرحمان کی ملاقات میں نیوزی لینڈ میں رونما واقعے ، عافیہ صدیقی کی رہائی اور کراچی کے ترقیاتی منصوبوں پر بات چیت ہوئی۔

تفصیلات کے مطابق کراچی میں صدر مملکت عارف علوی سے جماعت اسلامی رہنماحافظ نعیم الرحمان کی ملاقات ہوئی، ملاقات کے بعد حافظ نعیم الرحمان نے میڈیا سےگفتگو کرتے ہوئے کہا صدر سےنیوزی لینڈ میں رونما واقعے اور عافیہ صدیقی کی رہائی سےمتعلق بات کی۔

حافظ نعیم کا کہنا تھا کہ صدرنےکہاحکومتی سطح پر کوششیں جاری ہیں، کراچی کے ترقیاتی منصوبوں پر بات ہوئی، منصوبوں کے لئے سندھ حکومت سے مل کر کام کیا جائے۔

خیال رہے صدر پاکستان ڈاکٹر عارف علوی کراچی میں موجود ہیں ، نیشنل اسٹیڈیم کراچی میں میڈیا سے گفتگو کرتے ہوئے کہا پی ایس ایل فور کا فائنل میچ دیکھنے ضرور آؤں گا، میں بہت خوش ہوں اور بڑے شوق سے پی ایس ایل میچز دیکھنے آیا ہوں، غیر ملکی کھلاڑیوں کا مشکور ہوں کہ وہ یہاں آئے۔

مزید پڑھیں : نفرت بے لگام ہو تو روکنا مشکل ہوتا ہے: صدر مملکت کی نیوزی لینڈ حملے کی مذمت

گذشتہ روز صدر مملکت عارف علوی نے نیوزی لینڈ میں کرائسٹ چرچ کی مسجد میں قتل عام پر مذمت کرتے ہوئے کہا تھا کہ متاثرہ خاندانوں سے تعزیت کا اظہار کرتا ہوں، مشکل وقت ہے، نفرت بے لگام ہو تو روکنا مشکل ہوتا ہے۔

یاد رہے امریکی قید میں موجود عافیہ صدیقی کی رہائی اور پاکستان لانے کی کوششیں تیز ہوگئیں ہیں، طالبان مذاکرات کے حتمی مراحل میں عافیہ صدیقی کی رہائی کے امکانات روشن ہوگئے ہیں۔

Comments

comments

یہ بھی پڑھیں