The news is by your side.

سندھ سے کرپٹ لوگوں کو نکالنے کا وقت آگیا ‘ عارف علوی

سیہون : پاکستان تحریک انصاف کے رکن قومی اسمبلی عارف علوی کا کہنا ہے کہ ہم سندھ سے چوروں اور لٹیروں کا صفایا کرکے ہی دم لیں گے۔

تفصیلات کےمطابق سیہون میں میڈیا سے گفتگو کرتے ہوئے پاکستان تحریک انصاف کے رہنما عارف علوی نے کہا کہ سندھ کے شہری روایتی سیاست سے تنگ آچکے ہیں۔

عارف علوی نے کہا کہ سندھ میں تبدیلی صرف عمران خان ہی لاسکتے ہیں۔ انہوں نے کہا عمران خان جس مسئلے کے حل کے لیے آواز اٹھائیں اسے حل کرنے تک سکون سے نہیں بیٹھتے۔

تحریک انصاف کے رہنما عارف علوی نے کہا کہ دھاندلی کے مسئلے پر4 دن دھرنا دینا تھا لیکن 126 بیٹھے رہے جبکہ پاناما کے مسئلے کو بھی منطقی انجام تک پہنچایا۔ انہوں نے کہا کہ اب سندھ سے کرپٹ لوگوں کو نکالنے کا وقت آگیا ہے۔


پاکستان تحریک انصاف آج سیہون میں عوامی طاقت کا مظاہرہ کرے گی


واضح رہے کہ پاکستان تحریک انصاف کے آج سیہون میں ہونے والے جلسے کی تیاریاں مکمل کرلی گئی ہیں، چیئرمین تحریک انصاف عمران خان جلسے سے خطاب کریں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں