The news is by your side.

Advertisement

ہم پر کراچی کے مسائل حل کرنا فرض ہو گیا ہے، عارف علوی

کراچی: پاکستان تحریکِ انصاف کے کراچی کے رہنما عارف علوی نے کہا ہے کہ الیکشن میں پی ٹی آئی کی اکثریت حاصل کرنے کے بعد ان پر کراچی کے مسائل حل کرنا فرض ہو گیا ہے۔

ان خیالات کا اظہار انھوں نے میڈیا سے گفتگو کرتے ہوئے کیا، ان کا کہنا تھا کہ کراچی نے عمران خان اور پی ٹی آئی کا بھرپور ساتھ دیا ہے، اب کراچی کے مسائل حل کرنا ان پر فرض ہو چکا ہے۔

عارف علوی نے کہا ’وفاق کے بغیر کراچی کے مسائل کا حل ممکن نہیں۔‘ مزید کہا کہ وفاق سے کراچی کے لیے فنڈز کی درخواست کر رہا ہوں۔

تحریکِ انصاف کے رہنما نے بتایا کہ انھوں نے عمران خان سے کہا ہے کہ کراچی کے لیے ایک ٹاسک فورس بنائیں، جو کراچی کے مسائل کو حل کرے۔

عمران خان کا خطاب، متوقع پالیسیوں پر اظہار خیال، دھاندلی الزامات کی تحقیقات کی پیش کش

پی ٹی آئی لیڈر عارف علوی کا کہنا تھا کہ اس وقت ضرورت اس بات کی ہے کہ اختیارات بلدیاتی نمائندوں کو منتقل کر دیے جائیں۔ مزید کہا کہ صوبائی حکومت کے ساتھ مل کر سندھ کے مسائل بھی حل کریں گے۔

کیا عمران خان خارجہ پالیسی میں ’تبدیلی‘ لاسکیں گے

واضح رہے کہ کراچی سے پاکستان تحریکِ انصاف کو قومی اسمبلی کی 12 سیٹیں مل گئی ہیں، جب کہ ملک بھر میں پی ٹی آئی نے روایتی سیاسی جماعتوں کو بری طرح شکست سے دورچار کر دیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں