پاکستان میوزک انڈسٹری کے لیجنڈری لوک گلوکار عارف لوہار کی بیٹے کے ساتھ شاندار رقص کی ویڈیو سوشل میڈیا پر وائرل ہوگئی۔
میوزک انڈسٹری کے لیجنڈری گلوکار عارف لوہار کی بیٹے کے ساتھ شاندار پرفارمنس کی ویڈیو سوشل میڈیا کے مختلف پلیٹ فارم پر وائرل ہورہی ہے، ویڈیو میں ان کے ساتھ بیٹے کو بھی رقص کرتے دیکھا جاسکتا ہے۔
عارف لوہار کی ویڈیو شیئر کرتے ہوئے کیپشن میں بتایا گیا کہ گلوکار نے کسی کی شادی میں بیٹے سے ساتھ پرفارم کیا۔
ویڈیو میں دیکھا جاسکتا ہے کہ عارف لوہار گنگنا بھی رہے ہیں اور ساتھ ہی بیٹے کے ساتھ رقص بھی کررہے ہیں جبکہ ان کے بیٹے کو ایک موقع پر ڈھول بجاتے بھی دیکھا جاسکتا ہے۔
لوک گلوکار کی ویڈیو چند گھنٹوں قبل انسٹاگرام پر شیئر کی گئی جسے اب تک ہزاروں صارفین دیکھ چکے ہیں اور ویڈیو کو خوب سراہا رہے ہیں۔
اداکارہ ایمن خان نے بھی ویڈیو پر پسندیدگی کا اظہار کیا، سوشل میڈیا صارفین نے ویڈیو پر اپنی رائے بھی ظاہر کی، ایک صارف نے لکھا کہ ’بچے کی پرفارمنس کمال کی ہے، ایک خاتون صارف نے لکھا کہ ماشا اللہ بہت ہی پیارا بچہ ہے۔‘