The news is by your side.

Advertisement

بھارتی گلوکارارجیت سنگھ کو سلمان خان کی توہین مہنگی پڑ گئی

ممبئی : بھارتی گلوکا ارجیت سنگھ کو تین سال قبل ایک ایوارڈ شو کی تقریب کے دوران سلمان خان کے خلاف ادا کیے گئے توہین آمیز الفاظ کی ادائیگی مہنگی پڑ گئی۔

تین سال قبل ایک ایوارڈ شو کی تقریب کے دوران بھارتی گلوکار ارجیت سنگھ نے دبنگ خان کے لیے توہین آمیز الفاظ ادا کیے تھے، جس کے بعد گلوکار نے سلمان خان سے رابطہ کرنے کی کوشش کی تھی مگر رابطہ نہ ہوسکا۔

بعد ازاں گلوکار نے اپنے فیس بک آئی ڈی سے سلمان خان نے نام معافی نامہ تحریر کرتے ہوئے  اس امید کا اظہار کیا تھا کہ اداکار پیدا ہونے والی غلط فہمی کو نظراندازکرتے ہوئے معاف کرنے کا اعلان کردیں گے۔

arijit-singh-post-1

اطلاعات کے مطابق سلمان خان نے گلوکار کا معافی نامہ پڑھ کر موقف اختیار کیا کہ ’’اب وہ گلوکار کے ساتھ کسی قسم کی ہمدردی نہیں کرسکتے‘‘۔

اس بات کا عملی ثبوت دیتے ہوئے سلمان خان نے اپنی نئی آنے والی فلم ’’سلطان‘‘ کے ڈائریکٹر کو ارجیت سنگھ کی آواز میں گایا گیا گانا ’’جاگ جھومیا‘‘ نکالنے کی ہدایت کردی تھی، جس کے بعد فلم میکر نے اس ورژن کو فلم سے نکال دیا ہے۔

فلم ڈائریکٹر کے مطابق یہ گانا جذباتی ہے اور اس کے لیے سریلے گلوکار کی آواز کی ضرورت ہے، اس حوالے سے اطلاعات موصول ہوئی ہیں کہ ہدایتکار نے اس گانے کے لیے معروف پاکستانی گلوکار راحت فتح علی خان سے رابطہ کیا ہے مگر اس خبر کی باضابطہ  کوئی تصدیق نہیں کی جاسکی۔

salman-post-1

بھارتی بالی ووڈ میگزین نے دعویٰ کیا ہےکہ ارجیت سنگھ اپنی غلطی کی معافی کے لیے آئندہ چند روز میں سلمان خان کے گھر جانے یا پھر سوشل میڈیا کے توسط سے اُن سے رابطہ کرنے کا ارادہ رکھتے ہیں تاکہ پیدا ہونے والی غلط فہمیوں کو ختم کرنے اور فلم میں گلوکار کی تبدیلی کے فیصلے نظر ثانی کی اپیل کرسکیں۔

واضح رہے پاکستانی گلوکار راحت فتح علی خان بھارتی اداکار سلمان خان کی فلم دبنگ کے لیے گانا گا چکے ہیں جسے سلمان خان اور ان کے مداحواں کی جانب سے بے حد پسند کیا گیا تھا۔

ارجیت کے مداحوں کی جانب سے اس واقعے پر افسوس کا اظہار کیا گیا ہے جبکہ راحت فتح علی خان کے مداح ایک بار پھر سلمان خان کی مووی میں پاکستانی گلوکار کی آواز سننے کے لیے بے تاب ہیں۔

 

Comments

comments

یہ بھی پڑھیں