پاکستانی شوبز انڈسٹری کی اداکارہ عریشہ رضی خان نکاح کی ویڈیو اور تصاویر وائرل ہونے پر غصے میں آگئیں۔
اداکارہ عریشہ رضی خان کی گزشتہ روز اچانک سوشل میڈیا پر نکاح کی تصاویر اور ویڈیوز وائرل ہوئیں جنہیں دیکھ کر اداکارہ کے مداح خوشگوار حیرت تو مبتلا ہوئے ہی خود اداکارہ بھی سوشل میڈیا پر تصاویر دیکھ کر فوٹو گرافر پر برس پڑیں۔
اسٹوڈیو 86 کی جانب سے انسٹاگرام پر عریشہ رضی کے نکاح کی ویڈیو شیئر کی گئی مذکورہ اسٹوڈیو نے ہی اداکارہ کے نکاح کا ایونٹ کور کیا تھا۔
View this post on Instagram
عریشہ رضی کے نکاح کی ویڈیو اُن کی اجازت کے بغیر سوشل میڈیا پر شیئر کی گئی جس پر اداکارہ اسٹوڈیو کی اس حرکت پر شدید غصہ ہوئیں۔
عریشہ رضی نے اپنی انسٹا گرام اسٹوری میں کہا کہ آپ سبھی لوگ میرے نکاح کی ویڈیو دیکھ چکے ہیں لیکن یہ ایک نجی تقریب تھی اور یہ بےحد شرم کی بات ہے کہ اسٹوڈیو نے میری پرائیویسی کا خیال نہیں رکھا۔
View this post on Instagram
اداکارہ نے مزید کہا کہ اس کمپنی نے صرف ویوز کے لیے میری اجازت کے بغیر یہ ویڈیو پوسٹ کی ہے۔
دوسری جانب اسٹوڈیو نے اپنے انسٹا گرام اکاؤنٹ پر عریشہ رضی کو کیے گئے وائس میسیجز کا اسکرین شاٹ شیئر کیا۔
کمپنی نے کہا ہے کہ اُنہوں نے اداکارہ سے اجازت مانگی تھی اور اداکارہ نے میسیج دیکھ لیا تھا جس کا مطلب یہی تھا کہ اُنہیں ویڈیو پوسٹ کرنے سے مسئلہ نہیں۔
View this post on Instagram
واضح رہے کہ سوشل میڈیا پر وائرل عریشہ کے نکاح کی ویڈیو اور تصویروں کو انٹرنیٹ صارفین کی جانب سے بے حد پسند کیا جا رہا ہے۔
