شہرِ قائد میں بچوں کی موت ریسٹورنٹ کے ناقص کھانے کے سبب ہوئی، میڈیکل رپورٹ -
The news is by your side.

Advertisement

شہرِ قائد میں بچوں کی موت ریسٹورنٹ کے ناقص کھانے کے سبب ہوئی، میڈیکل رپورٹ

کراچی : شہر قائد میں ریسٹورنٹ سے مضر صحت کھانا کھانے کے باعث بچوں کی موت کے بعد میڈیکل رپورٹ پولیس کو موصول ہوگئی، بچوں کی موت بھی فوڈ پوائزننگ کے باعث ہوئی۔

تفصیلات کے مطابق کلفٹن میں مضر صحت کھانا کھانے سے دو بچوں ڈیڑھ سالہ احمد اور 5 سالہ محمد کی اموات کی وجہ جاننے کیلئے پولیس نے فوڈ ڈیپارٹمنٹ کی ٹیمیں طلب کرکے تحقیقات کا آغاز کیا تھا۔

کینڈی فروزاور ایری زوناگرل ریسٹورنٹ کے اجزاء ٹیسٹنگ کیلئے لیبارٹری بھیجے گئے تھے، جن کی لاہور اور کراچی سے میڈیکل رپورٹ پولیس کو مل گئی ہے۔

اس حوالے سے ذرائع کا کہنا ہے کہ کھانے میں زہر کے شواہد نہیں ملے تاہم وہاں سے حاصل کیے گئے نمونوں سے کھانا غیر معیاری ہونے کے ثبوت ملےہیں۔

رپورٹ میں کہا گیا ہے کہ بچوں کو غیر معیاری کھانا کھانے سے فوڈ پوائزننگ سے بچوں کو الٹیاں ہوئیں، بچوں کی اموات بھی فوڈ پوائزننگ کے باعث ہوئی ہیں، کراچی پولیس نے60 کے قریب نمونے ٹیسٹ کے لیے بھیجے تھے جس کی رپورٹ میں کہا گیا ہے کہ کینڈی فروزاور ایری زوناگرل کی کھانے کی اشیاء مضر صحت نکلی ہیں۔

مزید پڑھیں: کراچی، کلفٹن میں مضر صحت کھانا کھانے سے 2 بچے جاں بحق، ریسٹورنٹ سیل. 4 افراد زیر حراست

واضح رہے کہ ایری زونا گرل ریسٹورنٹ میں کھانا کھانے کے بعد خاتون اور دو بچوں کی حالت غیر ہو گئی تھی، جس کے نتیجے میں دو بچے محمد اور احمد دم توڑ گئے تھے، بچوں کی والدہ کو بھی اسپتال منتقل کیا گیا جہاں وہ کافی روزتک زیر علاج رہیں۔

واقعے کے بعد سندھ فوڈ اتھارٹی کی جانب سے ریسٹورنٹ کے گودام پر مارے گئے چھاپے کے دوران بڑی مقدار میں زائد المیعاد گوشت اور دیگر سامان برآمد ہوا تھا،جسے سرجانی ٹاؤن ڈمپنگ پوائنٹ میں تلف کردیا گیا، سندھ فوڈ اتھارٹی نے80 کلو سے زائد گوشت کو زمین میں دبا کر کیمیکل ڈال دیا۔

Comments

comments

یہ بھی پڑھیں