مہاراشٹرا: بھارت کے معروف گلوکار ارجیت سنگھ کو لائیو پرفارمنس کے دوران مداح خاتون نے ہاتھ کھینچ کر زخمی کر دیا۔
بھارتی میڈیا رپورٹس کے مطابق ارجیت سنگھ بھارتی ریاست مہاراشٹرا میں لائیو پرفارمنس دے رہے تھے کہ اس دوران ایک خاتون مداح نے اُن کا ہاتھ کھینچ کر زخمی کر دیا۔
View this post on Instagram
میڈیا رپورٹس کے مطابق کنسرٹ میں ارجیت سنگھ کے مداح محوِ سماعت تھے، اس دوران اُن کے قریب ایک مداح آئیں اور ارجیت سنگھ سے بات کرنے لگیں۔
ارجیت سنگھ بھی مداح سے پرسکون انداز میں بات کرتے دکھائی دیئے، اس دوران مداح نے ارجیت سنگھ کا ہاتھ پکڑ کر کھینچا اور گلوکار کو زخمی کر دیا۔
View this post on Instagram
اس واقع سے متعلق ارجیت سنگھ کی وائرل ویڈیو میں دیکھا جا سکتا ہے کہ ارجیت سنگھ اپنی مداح کو اسٹیج پر بلا رہے ہیں جبکہ مداح اُنہیں نیچے کی جانب کھینچ رہی ہے۔
ارجیت سنگھ نے زخمی ہوجانے کے باوجود اپنی پرفارمنس جاری رکھی کنسرٹ میں موجود تمام مداح لطف اندوز ہوتے رہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں