یریوان: آرمینیا میں مسافروں سے بھرا طیارہ گرنے سے دو افراد کی موت واقع ہوگئی ہے۔
غیر ملکی میڈیا رپورٹ کے مطابق حادثہ کوٹک صوبے کے جاربر گاؤں کے قریب پیش آیا، جہاں بی 55 نامی طیارہ گر کر تباہ ہوگیا، جس کے نتیجے میں دو افراد کی ہلاکت ہوئی۔
آرمینیا کے ہنگامی حالت کی وزارت نے واقعے کی تصدیق کرتے ہوئے بتایا کہ مقامی وقت کے مطابق دو چالیس پر اطلاع ملی کہ کوٹک صوبے میں جاربر گاؤں کے قریب طیارہ گر کر تباہ ہوگیا ہے اور اس میں خوفناک آگ لگی ہوئی ہے۔
یہ بھی پڑھیں: آرمینیا اور آذربائیجان جنگ؛ روسی ہیلی کاپٹر مار گرایا گیا
واقعے کی اطلاع ملنے پر امدادی کارکنوں کی بڑی تعداد جائے حادثے پر پہنچی اور جلی ہوئی لاشوں کو اسپتال منتقل کیا۔
فائر بریگیٖڈ اور دیگر ریسکیو ٹیموں نے بھی جائے حادثے پر پہنچ کر طیارے میں لگی آگ کو بجھایا، فوری طور پر حادثے کی وجوہات معلم نہیں ہوسکی ہے، آزادانہ تحقیقات کے لئے بورڈ تشکیل دے دیا گیا ہے۔
