The news is by your side.

Advertisement

پاک فوج بہترین تربیت اور فزیکل فٹنس کا حامل ادارہ ہے، جنرل قمرجاوید باجوہ

کراچی : آرمی چیف جنرل قمر جاوید باجوہ نے کہا ہے کہ پاک فوج بہترین تربیت اور فزیکل فٹنس کی حامل ہے۔

یہ بات انہوں نے کراچی میں پیسز کی اختتامی تقریب سے خطاب کرتے ہوئے کہی، پاک فوج کے شعبہ تعلقات عامہ آئی ایس پی آر کی جانب سے جاری اعلامیہ کے مطابق آرمی چیف جنرل قمر جاوید باجوہ نے کراچی کا دورہ کیا۔

اس موقع پر انہوں نے پیسز کی اختتامی تقریب میں بھی شرکت کی، جس میں آرمی چیف نے گیریژن افسران سے خطاب کیا۔

آئی ایس پی آر کے مطابق آرمی چیف کا اپنے خطاب میں کہنا تھا کہ جدید عسکری ٹیکنالوجی کے باوجود جنگجو مہارتیں اہمیت کی حامل ہیں، جنگجو مہارتوں کے لئے تربیت اور فزیکل فٹنس انتہائی اہم ہے۔

انہوں نے کہا کہ پاک فوج بہترین تربیت اور فزیکل فٹنس کی حامل ہے، آئی ایس پی آر کے مطابق آرمی چیف نے مہارتوں کا مظاہرہ کرنے والے جوانوں میں انعامات تقسیم کیے۔

تقریب میں کور کمانڈر کراچی لیفٹیننٹ جنرل ہمایوں عزیز بھی آرمی چیف کے ساتھ تھے، گوجرانوالہ کور کی ٹیم نے چیمپئن شپ جیتی، انجینئر سینٹر کی ٹیم نے نوجوان سپاہیوں کی چیمپئن شپ جیتی۔

اس موقع پر آرمی چیف جنرل قمر جاوید باجوہ نے تربیتی مشقوں کے میکانکی فارمیشن کا بھی جائزہ لیا اور افسران سے جنگی ماحول، چیلنجز اور ردعمل پر تفصیلی گفتگو کی۔

Comments

comments

یہ بھی پڑھیں