The news is by your side.

Advertisement

پاک فوج کی قربانیاں قطعی طور پر رائیگاں نہیں جائیں‌ گی، آرمی چیف کا وزیرستان میں‌ خطاب

وزیرستان : پاک فوج کے سربراہ جنرل راحیل شریف آپریش ضرب عضب میں مصروف جوانوں کے ساتھ عید منانے اور اُن کی حوصلہ افزائی کرنے کے لیے وانا جنوبی وزیرستان کا دورہ کیا۔

تفصیلات کے مطابق پاک فوج کےسربراہ جنرل راحیل شریف عید منانے فوجی جوانوں کے ساتھ جنوبی وزیرستان پہنچ گئے،آرمی چیف کے ہمراہ ڈی جی آئی ایس پی آر اور کورکمانڈر پشاور ہدایت الرحمان بھی موجود تھے۔

1

عیدالفطر کے پرمسرت موقع پر آرمی چیف وزیرستان میں ضرب عضب میں مصروف فوجی جوانوں کے ساتھ نماز عید ادا کی اور جوانوں کے بلند حوصلے اور عزم کو سراہا،جوانوں نے عید الفطر کے موقع پر سپہ سالار کی اُن کے درمیان موجودگی پر مسرت کا اظہار کیا اور اُن کا شکریہ ادا کیا۔

2

راحیل شریف نے جوانوں سے خطاب کرتے ہوئے کہا کہ پاک آرمی اور عوام کی قربانیوں کو کسی صورت رائیگاں نہیں جانے دیا جائے گا اور ملک میں امن و امان کی بحالی کے لیے آخری حد تک جانے کو تیار ہیں، آپریشن ضرب عضب میں بڑی قربانیاں ملی ہیں ملکی استحکام کی خاطر دہشت گردوں کے خلاف رنگ و نسل کو بالائے طاق رکھتے ہوئے بلاتفریق کارروائی عمل میں لائی جائے گی۔

بارڈر مینجمنٹ کے حوالے سے پاکستان اور افغانستان کو مل کر موثر اقدامات کر کے اس کو ہر صورت یقینی بنایا جائے گا، آرمی چیف نے توقع ظاہر کی کہ افغانستان اپنی سرزمین پاکستان کے خلاف استعمال نہیں ہونے دے گا۔

انہوں نے کہا کہ سرحدی خلاف ورزی کسی صورت برداشت نہیں کی جائے گی اور خطے میں دیرپا امن کو ہر صورت قائم کیا جائےگا، افغانستان پڑوسی ملک ہے اس کے خلاف اپنے ملک کی سرزمین کو کسی صورت استعمال نہیں ہونے دیں گے۔

یاد رہےگذشتہ سال بھی پاک فوج کے سربراہ جنرل راحیل شریف فوجیوں کے حوصلے کو بلند کرنے کے لیے جنوبی وزیرستان پہنچے تھے اور فوجی جوانوں کے ساتھ عید کا دن منایا تھا.

3

پاک فوج نے 2014 میں جنوبی وزیرستان میں آپریشن ضرب عضب کا آغاز کیا تھا،جس کا مقصد عسکریت پسندوں کے اڈوں کا صفایا کرنا اور دہشت گردوں کا خاتمہ کرنا تھا.

Print Friendly, PDF & Email

Comments

comments

یہ بھی پڑھیں