The news is by your side.

Advertisement

آرمی چیف جنرل راحیل شریف سے ترک وزیرقومی دفاع کی ملاقات

راولپنڈی: آرمی چیف جنرل راحیل شریف نے ترک وزیرقومی دفاع سے ملاقات کی۔

پاک فوج کے سربراہ جنرل راحیل شریف سے پاکستان کے دورے پر آئے ہوئے ترک وزیر برائے قومی دفاع فکری اسیق نے ملاقات کی ، جنرل ہیڈ کوارٹرز ( جی ایچ کیو ) راولپنڈی میں ہونے والی اس ملاقات کے دوران پاک ترکی دفاعی اور فوجی تعاون سمیت خطے میں سکیورٹی کی صورتحال پر تبادلہ خیال کیا گیا۔

اس موقع پر ترک وزیر برائے قومی دفاع فکری اسیق نے آپریشن ضرب عضب میں پاک فوج کی کامیابیوں اور خطے میں امن اور استحکام کے فروغ کیلئے کردار کو سراہا۔

یاد رہے دو روز قبل آرمی چیف جنرل راحیل شریف نے ترک صدرطیب اردگان اور ترک چیف آف جنرل سٹاف ہلوسی اکار سے ملاقات کی جبکہ فوجی مشقوں کامعائنہ بھی کیا، جن میں پاکستان، سعودی عرب، قطر، آذربائیجان، برطانیہ، بیلجیم اور امریکہ کے دستے شریک ہوئے تھے۔

آرمی چیف جنرل راحیل شریف نے مشقوں کا معائنہ کرتے ہوئے بڑے پیمانے پر کی جانے والی ان جنگی مشقوں کے انعقاد کو سراہا۔

Print Friendly, PDF & Email

Comments

comments

یہ بھی پڑھیں