میڈیا کوساتھ لےکر چلوں گا،آرمی چیف قمرجاویدباجوہ -
The news is by your side.

Advertisement

میڈیا کوساتھ لےکر چلوں گا،آرمی چیف قمرجاویدباجوہ

راولپنڈی : پاک فوج کی کمان سنبھالنے کے بعد نئے سپہ سالارجنرل قمر جاوید باجوہ نے صحافیوں سے غیر رسمی بات چیت کرتے ہوئے کہا کہ میڈیا کو ساتھ لےکر چلوں گا۔

تفصیلات کےمطابق آرمی چیف جنرل قمر جاوید باجوہ کاصحافیوں سے غیر رسمی گفتگو کرتے ہوئے کہناتھا کہ میڈیا فوج کے مورال کو بلند رکھے۔انہوں نے کہا کہ وہ جلد صحافیوں سے بات کریں گے۔

آرمی چیف جنرل قمر باجوہ نے توقع ظاہر کی کہ لائن آف کنٹرول کی صورتحال جلد بہتر ہو جائےگی۔ان کا کہنا تھا کہ مایوسی کی باتیں نہیں ہونی چاہیں۔

پاک فوج کےسربراہ جنرل قمر باجوہ نے دعاؤں کی درخواست کرتے ہوئے کہا کہ انہیں بڑی ذمہ داری ملی ہے میڈیا انہیں سپورٹ کرے۔

مزید پڑھیں:نئے پاکستانی آرمی چیف سے محتاط رہنے کی ضرورت ہے،سابق بھارتی آرمی چیف

خیال رہے کہ دو روز قبل سابق بھارتی آرمی چیف بکرام سنگھ نے کہاتھا کہ انڈیا کو نئے پاکستانی آرمی چیف سے محتاط رہنا ہوگا جنگی مہارت میں ان کا ذاویہ نگاہ نہایت بلند اور انتہائی ماہرانہ ہے۔

مزید پڑھیں:جنرل قمر جاوید باجوہ نے پاک فوج کی کمان سنبھال لی

آرمی چیف جنرل قمر جاوید باجوہ جی ایچ کیومیں انسپکٹرجنرل آف ٹریننگ اینڈ ایویلیوایشن تعینات تھے،یہ وہی عہدہ ہے جو آرمی چیف بننے سے قبل جنرل راحیل شریف کے پاس تھا۔

جنرل قمر باجوہ آرمی کی سب سے بڑی 10 ویں کور کو کمانڈ کرچکے ہیں جو کنٹرول لائن کے علاقے کی ذمہ داری سنبھالتی ہے۔قمر جاوید باجوہ کو کشمیر اور شمالی علاقہ جات میں معاملات کو سنبھالنے کا وسیع تجربہ ہے۔

پاک فوج کےسربراہ قمر باجوہ کینیڈین فورسز کمانڈ اینڈ اسٹاف کالج (ٹورنٹو)، نیول پوسٹ گریجویٹ یونیورسٹی مونٹیری (کیلی فورنیا)، نیشنل ڈیفنس یونیورسٹی اسلام آباد کے گریجویٹ ہیں۔

واضح رہے کہ آرمی چیف جنرل قمر جاوید باجوہ 10 ویں کور میں لیفٹیننٹ کرنل کے عہدے پر بھی بطور جی ایس او خدمات انجام دے چکے ہیں۔

Comments

comments

یہ بھی پڑھیں