آرمی چیف کا پائلٹس گرایجوایشن تقریب سے خطاب -
The news is by your side.

Advertisement

آرمی چیف کا پائلٹس گرایجوایشن تقریب سے خطاب

گجرانوالہ: آرمی چیف جنرل راحیل شریف نے گجرانوالہ میں آرمی ایوی ایشن اسکول کا دورہ کیا اورپائلٹ بیسک گریجویشن تقریب میں شرکت کی۔

اس موقع پرآرمی چیف نے بنیادی کورس میں شریک افسران کو مبارکباد دی اورتقریب سے خطاب کرتے ہوئے کہا کہ ایوی ایشن کی جدید صلاحتیں دہشت گردی کے خلاف جاری جنگ میں کامیابیوں کے لیے بہت اہم ہیں،اور یہ ملک کے لیے روایتی خطرات کو ناکام بنانے کے لیے ایک موثرصلاحیت ہے۔

انہوں نے کہا کہ آرمی ایوی ایشن کو جدید اورترقی یافتہ بنانے کے لیے زبردست کوششیں کی گئیں ہیں۔

چیف آف آرمی سٹاف آرمی نے کہا کہ آرمی ایوی ایشن نے نہ صرف جاری آپریشن ضرب عضب میں اپنی صلاحیتوں کا لوہا منوایا بلکہ زلزلے سیلاب امدادی سرگرمیوں اور قدرتی آفات کے دوران ملک کی مدد کے لئے ہمیشہ سب سے آگے رہی ہے.

ان کا کہنا تھا کہ گزشتہ چند سالوں سے فوج کی اہم کامیابیاں اورآرمی ایوی ایشن کے فعال کردار کے نام سے منسوب ہیں آرمی ایوی ایشن پائلٹس کی قربانیاں اور انتھک کوششیں سب سے زیادہ تعریف کی مستحق ہیں۔

چیف آف آرمی سٹاف نے آرمی ایوی ایشن کور کے قابل اعتماد پائلٹوں اورجونیئرعملے کے افسران کی تربیت کے لیے آرمی ایوی ایشن اسکول کی کوششوں کو سراہا۔

دورے کے دوران آرمی چیف نے گجرانوالہ ہیڈ کوارٹرزمیں سینٹرل کمانڈ وارگیمزمیں شرکت کی اورورکنگ باونڈری پرموجود جوانوں کی آپریشنل تیاریوں کا جائزہ لیا۔

Comments

comments

یہ بھی پڑھیں