The news is by your side.

Advertisement

آرمی چیف کا شہید کیپٹن روح اللہ اور نائب صوبیدار محمد علی کیلئے بڑے اعزاز کا اعلان

کوئٹہ : آرمی چیف جنرل راحیل شریف نے کوئٹہ حملے میں شہید کیپٹن  روح اللہ اور زخمی صوبے دار کے لئے تمغوں کا اعلان کیا ہے۔

تفصیلات کے مطابق آرمی چیف نے کوئٹہ حملے میں شہید کیپٹن روح اللہ کے لئے تمغہ جرأّت اور زخمی ہونے والے نائب صوبے دار محمد علی کو تمغہ بسالت دینے کا اعلان کیا ہے۔

آئی ایس پی آر کے مطابق دونوں اہلکاروں نے بہادری سے ایک خود کش بمبار کو ہلاک کیا جبکہ دوسرے خودکش بمبار کو ریکروٹس کے پاس پہنچنے سے روکا۔

شہید کیپٹن کی نماز جنازہ کوئٹہ میں اداکی گئی، جس میں آرمی چیف جنرل راحیل شریف سمیت صوبے کے اعلی سول اور فوج ی حکام نے شرکت کی۔

پاک فوج کے بہادر کیپٹن روح اللہ نے کوئٹہ میں دہشتگردوں سےلڑتے ہوئے جان دے دی، جوان کی بہادری پر اہلخانہ کوفخر ہے، گھر والے ڈاکٹر بنانا چاہتے تھے لیکن روح اللہ کو فوج میں جانے کا شوق تھا، کہتا تھا ملک کیلیے جان دوں گا۔

rooh

کیپٹن روح اللہ نے دہشتگردوں سے لڑتے ہوئے پاک فوج کے افسروں کی روایت’’لیڈنگ فرام دی فرنٹ‘‘کی پاسداری کی۔ پانچ مئی انیس سو اکیانوے کو پیدا ہونے والے روح اللہ دوہزارنو میں پاکستان آرمی کا حصہ بنے وہ چار بھائی بہنوں میں سب سے بڑے تھے اور چند ماہ بعد ان کی شادی تھی۔


مزید پڑھیں : کوئٹہ پولیس ٹریننگ سینٹر پر حملہ، 61 اہلکار شہید، 118 زخمی


یاد رہے کہ کوئٹہ میں 24 اکتوبر رات گیارہ بجے سریاب روڈ پر واقع پولیس ٹریننگ سینٹر پر دہشت گردوں کی جانب سے حملہ کیا گیا،
حملے میں 61اہلکار شہید اور 118 سے زائد زخمی ہوئے جبکہ فورسز کی کارروائی میں3دہشت گرد بھی مارے گئے۔

Comments

comments

یہ بھی پڑھیں