آرمی چیف سے متعلق بیان آصف زرداری نے نہیں دیا، پیپلزپارٹی -
The news is by your side.

Advertisement

آرمی چیف سے متعلق بیان آصف زرداری نے نہیں دیا، پیپلزپارٹی

اسلام آباد / کراچی : پیپلز پارٹی نے تردید کی ہے کہ گزشتہ شب آصف علی زرداری کی جانب سے آرمی چیف کی مدت ملازمت کے حوالے سے کسی قسم کا کوئی بیان جاری نہیں کیا گیا ہے۔

تفصیلات کے مطابق آرمی چیف مدت ملازمت سے متعلق بیان آصف زرداری نے دیا یا نہیں؟ ،پیپلزپارٹی میں ہی بحث چھڑ گئی.

اسلام آباد پریس کلب میں میڈیا سے گفتگو کرتے ہوئے قمر الزمان کائرہ نے کہا کہ صدر آصف علی زرداری سے منسوب بیان کے حوالے سے تحقیقات کر رہے ہیں کہ کس کی جانب سے یہ بیان جاری کیا گیا ہے.

 پیپلزپارٹی کی رہنما نفیسہ شاہ نے تردید کرتے ہوئے کہا کہ گزشتہ شب سابق صدر آصف زرداری کی جانب سے کوئی بیان جاری نہیں ہوا۔ ممکن ہی نہیں کہ پارٹی کےشریک چیئرمین ایسی کوئی بات کریں، یہ کسی سطح پر بد انتظامی ہوئی ہے۔

انہوں نے کہا کہ پیپلز پارٹی فوج کی کاروائیوں کی حمایت کرتی ہے،سوات آپریشن ،پیپلز پارٹی کے دور میں شروع کیا گیا، تاہم آرمی چیف کی مدت ملازمت میں توسیع کے حوالے سے زرداری اس طرح کی بات نہیں کر سکتے، پارٹی جاننے کی کوشش کر رہی کہ بد انتظامی کس سطح پر اور کس کی جانب سے ہوئی۔

پی پی پنجا ب کے صدر منظوروٹو نے سابق صدر کا بیان مناسب قرا ردے دیا ، ساتھ ہی یہ بھی بتادیاکہ خرم وٹوکی پنجاب اسمبلی میں آرمی چیف کی ملازمت میں توسیع کی قرارداد پارٹی پالیسی نہیں،۔

مشیر اطلاعات سندھ مولا بخش چانڈیو نے شریک چیئرمین کے جاری کردہ بیان کی تردید یا تصدیق سے انکار کرتے ہوئے کہا کہ پارٹی ذمہ داروں نےتردید یا تصدیق نہیں کی تو میں کیسےکرسکتا ہوں؟

سابق وزیر اطلاعات اور پیپلز پارٹی کی رہنما شیری رحمان نے کہا ہے کہ آصف علی زرداری نے گزشتہ روز آرمی چیف کی توسیع کے حوالے سے بیان کی تردید کی ہے۔

میڈیا سے گفتگو کرتے ہوئے شیری رحمان نے کہا کہ گزشتہ روز آصف علی زرداری کے حوالے سے جو بیان میڈ یا پر آیا میرے علم میں نہیں تھا ۔

ان کا کہنا تھا کہ میڈ یا میں آنے والے بیان کے بعد میری آصف علی زرداری سے بات ہوئی ،جس کے دوران آصف علی زرداری نے کہا کہ میں نے آرمی چیف کی توسیع کی بات ہی نہیں کی۔

پیپلز پارٹی کے رہنماؤں کی شریک چیئرمین کے بیان پر ہچکچاہٹ نے معاملہ الجھا دیا ہے۔

Comments

comments

یہ بھی پڑھیں