تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مردان: شہید پولیس افسر کے جنازے میں آرمی چیف کی شرکت

مردان: خودکش حملہ آور کو عدالت میں داخل ہونے سے روکنے والے پولیس افسر کے جنازے میں آرمی چیف آف اسٹاف جنرل راحیل شریف نے شرکت کی۔

ڈی جی آئی ایس پی آر کی جانب سے بیان میں کہا گیا ہے کہ ’’آرمی چیف آف اسٹاف نے شہید پولیس افسر کے جنازے میں شرکت کر کے انہیں خراج تحسین پیش کیا اور اُن کی بہادری پر خراج عقیدت بھی پیش کیا‘‘۔


فوج کے تعلقات عامہ کے اعلامیے میں مزید کہا گیا ہے کہ ’’پولیس افسر نے خودکش حملہ آور کو عدالت میں داخل ہونے سے روکا اور کئی انسانی جانوں کو محفوظ بنایا جس پر آرمی چیف نے اُن کی بہادری کو خراج عقیدت پیش کیا اور اُن کی تعریف بھی کی‘‘۔

پڑھیں: مردان میں خودکش دھماکہ،12افراد جاں بحق

شہید پولیس افسر کے جنازے میں آرمی چیف سمیت کور کمانڈر پشاور اور پولیس کے اعلیٰ حکام نے شرکت کی، بعد ازاں شہید پولیس اہلکار کو پولیس کی جانب سے سیلیوٹ بھی پیش کیا گیا۔

پولیس کی جانب سے جاری کردہ ابتدائی رپورٹ میں کہا گیا ہے کہ ’’خود کش حملہ آور نے راستہ لینے کے لیے پولیس پر دستی بم حملہ کیا جس کے بعداُس نے کمرہ عدالت میں داخل ہونے کی کوشش کی تاہم وہاں موجود پولیس افسر جنید خان نے اُس کا پیچھا کیا جس پر اُس نے اپنے آپ کو بم سے اڑا لیا۔

مزید پڑھیں: جنرل راحیل شریف اور عمران خان کی مردان میں ملاقات

یاد رہے آج صبح خیبر پختو نخوا کےشہر مردان میں ضلع کچہری گیٹ کے قریب خودکش حملہ آور نے خود کودھماکے سے اڑادیا.جس کے نتیجے میں اب تک 13 افراد جاں بحق اور 60 سے زائد زخمی ہیں۔

علاوہ ازیں آج صبح پشاور میں ورسک روڈ پر واقع کرسچن کالونی پر دہشت گردوں کے حملے کے بعد جوابی کارروائی میں چاروں دہشت گرد ہلاک کے گئے ہیں۔

Comments

- Advertisement -