The news is by your side.

Advertisement

آرمی چیف نے چار دہشت گردوں کےبلیک وارنٹ پر دستخط کردیئے

راولپنڈی : آرمی پبلک اسکول پشاور میں معصوم پھولوں کےقاتل انجام کو پہنچیں گے۔ آرمی چیف راحیل شریف نے چار دہشت گردوں کے بلیک وارنٹ پر دستخط کردیئے ہیں۔

تفصیلات کے مطابق آرمی پبلک اسکول پشاور میں ایک سو اکتالیس افراد کے خون سے ہاتھ رنگنے والے چار مجرمان کی قسمت کا فیصلہ ہوگیا۔

آرمی چیف راحیل شریف نے چار دہشت گردوں کے موت کے پروانوں پر دستخط کردیئے۔ آئی ایس پی آر کے مطابق چاروں دہشت گرد آرمی پبلک اسکول پشاور پر حملے میں ملوث ہیں۔

دہشت گردوں میں مجیب الرحمان، مولوی عبدالسلام، حضرت علی اور سبیل الیاس شامل ہیں۔ چاروں دہشت گردوں کوفوجی عدالت نے سزائے موت سنائی تھی۔

انسانیت کے دشمنوں نے سولہ دسمبر دو ہزار چودہ کو پشاور کے آرمی پبلک اسکول میں ایک سو بتیس بچوں سمیت ایک سو اکتالیس افراد کوگولیوں سے چھلنی کردیاتھا۔ آپریشن میں پاک فوج کے ہاتھوں سات دہشت گرد ٹھکانے لگےتھے۔

Print Friendly, PDF & Email

Comments

comments

یہ بھی پڑھیں