آرمی چیف جنرل راحیل شریف کا سعودی وزیر دفاع کو فون،آئی ایس پی آر -
The news is by your side.

Advertisement

آرمی چیف جنرل راحیل شریف کا سعودی وزیر دفاع کو فون،آئی ایس پی آر

راولپنڈی : سعودی عرب میں دہشتگردی کے بعد آرمی چیف جنرل راحیل شریف نے سعودی وزیردفاع شہزادہ محمد بن سلمان کو فون کرکے مکمل حمایت کا یقین دلایا۔

آئی ایس پی آر کے مطابق آرمی چیف نے سعودی وزیر دفاع شہزادہ محمد بن سلمان سے ٹیلیفونک گفتگو میں سعودی عرب دھماکوں کی مذمت کی اور کہا کہ مصیبت کی گھڑی میں سعودی بھائیوں کے شانہ بشانہ کھڑے ہیں۔

آرمی چیف نے متاثرہ خاندانوں سے ہمدردی کا اظہار کرتے ہوئے کہا کہ دہشتگردی کےخلاف اس جنگ میں سعودی بھائیوں کے ساتھ ہیں۔

واضح رہے کہ سعودی عرب کے تین شہروں مدینہ منورہ، جدہ اور قطیف میں دہشتگردوں کی جانب سے چار دھماکے کیے گئے، جس میں کم از کم چار سیکیورٹی اہلکار شہید ہوئے۔

Comments

comments

یہ بھی پڑھیں