راولپنڈی: آرمی چیف جنرل قمرجاوید باجوہ نے کہا ہے کہ ہم طویل عرصے سے بے امنی کے شکار افغانستان میں امن کے خواہاں ہیں.
پاک فوج کے شعبہ برائے تعلقات عامہ (آئی ایس پی آر) کے مطابق آرمی چیف نے قندھار حملے کی مذمت کرتے ہوئے کہا کہ افغان اور دیگر سیکیورٹی فورسزکو کامیاب دیکھنا چاہتے ہیں.
آرمی چیف کا کہنا تھا کہ افغانستان میں امن کے لئے ہر اقدام کی حمایت کرتے ہیں، خطے میں امن کے لئے افغانستان میں امن ضروری ہے.
COAS condemns Kandahar incident. “Wish to see Afghan and other security forces succeeding to bring an end to this prolonged violence in Afghanistan. Peace in Afghanistan is essential for peace in the region. Support all initiatives towards this end”, COAS.
— Maj Gen Asif Ghafoor (@OfficialDGISPR) October 18, 2018
یاد رہے کہ آج افغان صوبے قندھار کے گورنر ہاؤس میں ہونے والے دہشت گرد دھماکے میں صوبائی پولیس چیف اور خفیہ ایجنسی کے مقامی چیف ہلاک اور گورنر شدید زخمی ہو گئے تھے۔ چند خبررساں اداروں کی جانب سے گورنر کی ہلاکت کی اطلاعات بھی موصول ہوئیں۔
مزید پڑھیں: افغانستان، گورنرقندھارسمیت اہم شخصیات دہشت گرد حملے میں ہلاک
مزید پڑھیں: پاکستان کی قندھار حملے کی مذمت، افغان جمہوری عمل کی حمایت جاری رکھنے کا عزم
ذرائع کا کہنا ہے کہ حملے میں افغان ریسولوٹ مشن کے سربراہ جنرل اسکاٹ ملر کو نشانہ بنایا گیا تھا ، البتہ وہ محفوظ رہے ، جنرل ملر کو گورنر ہاؤس قندھار سے بحفاظت نکال لیا گیا.
یاد رہے کہ پاکستانی دفتر خارجہ کی جانب سے حملے کی شدید مذمت کرتے ہوئے کہا گیا کہ مشکل کی اس گھڑی میں افغان حکومت اورعوام کے ساتھ ہیں.
اے آر وائی نیوز کی ڈیجیٹل ڈیسک کی جانب سے شائع کی گئی خبریں