تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

جنرل راحیل نے 7 دہشت گردوں کے ڈیتھ وارنٹ پر دستخط کردیے

اسلام آباد: آرمی چیف جنرل راحیل شریف نے 7 دہشت گردوں کی سزائے موت کی توثیق کرتے ہوئے ان کے ڈیتھ وارنٹ پر دستخط کردیے،ملزمان کو فوج اور پولیس اہلکاروں‌ پر حملوں‌اور فرقہ وارانہ سنگین جرائم میں ملوث ہونے پر فوجی عدالتوں نے موت کی سزا سنائی تھی۔

پاک فوج کے شعبہ تعلقات عامہ(آئی ایس پی آر) کے مطابق ملزمان رحمان الدین، معتبر خان،محمد قاسم، عابد علی،محمد دانش، جہانگیر حیدر اور ذیشان مسلح افواج ، پولیس اہلکاروں اور عام شہریوں پر حملوں سمیت فرقہ وارانہ فسادات اور قتل و غارت میں ملوث ہیں، شواہد ملنے پر الزامات ثابت ہونے کے بعد فوجی عدالتوں نے ان ساتوں ملزمان کو سزائے موت کی سزا دی تھی جس پر آج آرمی چیف جنرل راحیل شریف نے اس سزا کی توثیق کردی ہے۔

آئی ایس پی آر کے مطابق دو ملزم رحمان الدین اور معتبر خان کالعدم تحریک طالبان کے فعال رکن تھےاور سیکیورٹی اداروں پر حملوں میں ملوث تھے۔

تین دہشت گرد محمد قاسم، عابد علی اور محمد دانش کو سیکیورٹی فورسز پر حملوں کے الزامات میں سزائے موت سنائی گئی اسی طرح دہشت گرد سید جہانگیر حیدر اور ذیشان فرقہ وارانہ قتل میں ملوث تھے۔

Comments

- Advertisement -