تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عبدالرشید جونیئر کا انتقال، آرمی چیف کا اظہار افسوس

راولپنڈی: آرمی چیف جنرل قمر جاوید باجوہ نے ہاکی کے عظیم کھلاڑی عبدالرشید جونیئر کے انتقال پر اظہار افسوس کیا ہے۔

ڈی جی آئی ایس پی آر کے مطابق ہاکی کے عظیم کھلاڑی عبدالرشید جونیئر کے انتقال پر اظہار افسوس کرتے ہوئے آرمی چیف نے کہا ان کے انتقال سے ملک عظیم کھلاڑی سے محروم ہوگیا۔

آرمی چیف نے عبدالرشید جونیئر مرحوم کے درجات کی بلندی کی دعا بھی کی، انھوں نے کہا کہ اللہ پاک مرحوم کے درجات بلند کرے، اور اللہ مرحوم کے اہل خانہ کو یہ صدمہ برداشت کرنے کی توفیق عطا فرمائے۔

واضح رہے کہ سابق اولمپین عبدالرشید جونیئر کے انتقال سے ہاکی کے کھیل کو بڑا نقصان ہوا ہے، وہ 4 نومبر کو اسلام آباد میں طویل علالت کے بعد 79 برس کی عمر میں انتقال کر گئے تھے۔

ہاکی ٹیم کے سابق کپتان عبدالرشید جونیئر انتقال کرگئے

عبدالرشید کا شمار ہاکی کی تاریخ کے بہترین سینٹر فارورڈز میں ہوتا ہے، وہ 1968 میں گولڈ میڈل حاصل کرنے والی ٹیم کا حصہ تھے، انھوں نے 3 اولمپکس میں پاکستان کی نمائندگی کی۔

عبدالرشید جونیئر 1972 میں سلور، 1976 میں برانز میڈل حاصل کرنے والی ٹیم کا بھی حصہ رہے، ریٹائرمنٹ سے قبل وہ 96 گولز کے ساتھ ملک کے بہترین گول اسکورر تھے۔

Comments

- Advertisement -