site
stats
پاکستان

آرمی چیف جنرل قمرباجوہ کی ایرانی وزیردفاع سے ملاقات

qamar

راولپنڈی : آرمی چیف جنرل قمرجاوید باجوہ نے کہا ہے کہ دہشت گرد پاک ایران دوستانہ سرحد غلط مقصد کے لئے استعمال کرسکتے ہیں، سازش کو مل کر ناکام بنانا ہوگا۔

یہ بات انہوں نے اپنے دورہ ایران کے موقع پر ایرانی وزیر دفاع امیر حاتامی سے ملاقات میں کہی، پاک فوج کے شعبہ تعلقات عامہ ”آئی ایس پی آر“ کے مطابق آرمی چیف نے اسلامک انقلابی گارڈ کور ہیڈ کوارٹرزکا دورہ بھی کیا۔

ایرانی وزیر دفاع سے ملاقات میں ایک دوسرے کی سرزمین کسی کے خلاف استعمال نہ کرنے کےعزم کا اعادہ کیا گیا، ملاقات میں دونوں ممالک کے درمیان انٹیلی جنس معلومات کے تبادلے پر اتفاق رائے بھی کیا گیا۔

پاک فوج کے سربراہ جنرل قمر جاوید باوجوہ کا کہنا تھا کہ پاک افغان بارڈر پر صورت حال بہتر بنائی ہے، دہشت گرد پاک ایران دوستانہ سرحد غلط مقاصد کیلئے استعمال کر سکتے ہیں، ہمیں دہشت گردوں کی سازش کومل کرناکام بنانا ہوگا۔

ملاقات میں پاک ایران بارڈر پر فیلڈ کمانڈرز میں ہاٹ لائن رابطے اور باڑ لگانے کے امور پربات چیت بھی کی گئی۔

آئی ایس پی آر کے مطابق ایرانی وزیردفاع امیر حاتامی نے کہا کہ پاک فوج کی دہشت گردی کےخلاف کامیابیاں قابل قدرہیں، پاکستان سے دفاعی تعاون کو مزید فروغ دینے کےخواہاں ہیں۔


مزید پڑھیں: پاک ایران سرحد امن اور دوستی کی سرحد ہے، جنرل قمرباجوہ


انہوں نے کہا کہ پاک ایران تعلقات کی ایرانی خارجہ پالیسی میں اہمیت ہے، ہمسایوں سے بہترتعلقات ہماری پالیسی میں شامل ہے، انہوں نے آرمی چیف کی جانب سے ایران کا دورہ کرنے پر ان کا شکریہ ادا کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top