bajwa پاک فوج کی قیام امن کیلئے دی گئی قربانیاں رنگ لائیں گی، آرمی چیف
The news is by your side.

Advertisement

پاک فوج کی قیام امن کیلئے دی گئی قربانیاں رنگ لائیں گی، آرمی چیف

راولپنڈی : آرمی چیف جنرل قمر جاوید باجوہ نے کہا ہے کہ پاک فوج کی قیام امن کیلئے دی گئی قربانیاں رنگ لائیں گی، دیرپا امن و استحکام کیلئے اقدامات جاری رکھےجائیں گے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے کور ہیڈکوارٹرز پشاور اورخیبرایجنسی کا دورہ کیا.

اس موقع پر اپنے پیغام میں آرمی چیف کا کہنا تھا کہ امن کےلیے دی گئی قربانیاں رنگ لائیں گی، قیام امن کیلئے سیکیورٹی فورسز کی قربانیاں اورکاوشیں قابل تحسین ہیں، دیرپا امن واستحکام کے لیے اقدمات جاری رکھیں گے۔

آرمی چیف نے فوجی جوانوں اور قبائلی عمائدین سے گفتگو بھی کی، آئی ایس پی آر کے مطابق آرمی چیف نے خیبر ایجنسی میں باڑ لگانے کے کام کا جائزہ لیا، اس موقع پر کورکمانڈر پشاوراور آئی جی ایف سی بھی آرمی چیف کے ہمراہ تھے۔


مزید پڑھیں: آرمی چیف جنرل قمر باجوہ کا دورہ آواران، کیڈٹ کالج کا سنگ بنیاد رکھا


اس کے علاوہ آرمی چیف کو پشاور، فاٹا کی سیکیورٹی صورتحال اور آپریشن ردالفساد پر بریفنگ دی گئی جس میں متاثرین کی واپسی، ترقیاتی منصوبوں سے متعلق آگاہ کیا گیا۔ آرمی چیف نے سیکیورٹی فورسز کیلئے قبائلی عمائدین کی حمایت اور تعاون کو سراہا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں