The news is by your side.

Advertisement

عراق کے ساتھ تعلقات کو خصوصی اہمیت دیتے ہیں، جنرل قمر جاوید باجوہ

راولپنڈی : آرمی چیف جنرل قمر جاوید باجوہ نے کہا ہے کہ پاکستان عراق کے ساتھ اپنے تعلقات کو خصوصی اہمیت دیتا ہے، ہر شعبے میں تعاون کیلئے تیار ہیں۔

ان خیالات کا اظہار انہوں نے عراق کے قائم مقام سیکریٹری دفاع سے ملاقات کے موقع پر کیا۔ پاک فوج کے شعبہ تعلقات عامہ آئی ایس پی آر کے مطابق عراق کے قائم مقام سیکریٹری دفاع نے جنرل ہیڈ کوارٹرز راولپنڈی (جی ایچ کیو) کا دورہ کیا۔

اس موقع پر انہوں نے آرمی چیف جنرل قمر جاوید باجوہ سے ملاقات کی، ملاقات میں پیشہ ورانہ دلچسپی کے امور اور علاقائی سیکیورٹی پر بات چیت ہوئی۔

آئی ایس پی آر کے مطابق آرمی چیف کا کہنا تھا کہ پاکستان عراق کے ساتھ تعلقات کو خصوصی اہمیت دیتا ہے، عراق کے ساتھ سیکیورٹی اور ترقیاتی شعبوں میں بھرپور تعاون کیلئے تیار ہیں۔

اس موقع پر عراق کے قائم مقام سیکرٹری دفاع نے دہشت گردی کیخلاف پاک فوج کے کردار کو سراہا۔

Comments

comments

یہ بھی پڑھیں