The news is by your side.

Advertisement

آرمی چیف سرکاری دورے پر روس پہنچ گئے، فوجی سربراہ سے ملاقات

راولپنڈی : آرمی چیف جنرل قمرجاوید باجوہ سرکاری دورے پر روس پہنچ گئے، ایئر پورٹ پر حکام نے ان کا پرتپاک استقبال کیا۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر باجوہ سرکاری دورے پر روس پہنچ گئے ہیں، جہاں ان کا پرتپاک استقبال کرتے ہوئے گارڈ آف آنر پیش کیا گیا، اس موقع پر دونوں ممالک کے قومی ترانوں کی دھنیں بھی بجائی گئیں۔

بعد ازاں آرمی چیف نے روسی گراؤنڈ فورسز کے سربراہ سے ملاقات کی، روسی کمانڈر نے آرمی چیف کو خوش آمدید کہتے ہوئے کہا کہ دہشت گردی کی جنگ میں پاک فوج کی قربانیوں کی قدر کرتے ہیں، خطے میں امن و استحکام کے لئے پاک فوج کا کردار گرانقدر ہے، روسی کمانڈر کا کہنا تھا کہ روس پاکستان کے ساتھ فوجی تعاون کو بڑھانے کا خواہاں ہے۔

اس موقع پرجنرل قمرجاوید باجوہ کا کہنا تھا کہ خطے کی پیچیدہ صورتحال کو سلجھانے میں روس کا مثبت کردار رہا ہے، پاکستان بھی روس کے ساتھ باہمی فوجی تعاون بڑھانے کا خواہاں ہے۔

آرمی چیف جنرل قمرجاوید باجوہ نے مزید کہا کہ پاکستان خطے میں قیام امن کیلئے اپنا کردارادا کرتا رہے گا، ہم علاقائی تعاون کے لئے اپنی کوششیں جاری رکھیں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں