تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

پاکستان اسلامی دنیا میں سعودی عرب کے نمایاں اور منفرد حیثیت کو تسلیم کرتا ہے، آرمی چیف

راولپنڈی : آرمی چیف جنرل قمرجاوید باجوہ نے سعودی وزارت دفاع کے اعلی عہدیدار سے ملاقات میں کہا کہ پاکستان اسلامی دنیا میں سعودی عرب کے نمایاں اور منفرد حیثیت کو تسلیم کرتا ہے۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے بیان میں کہا گیا ہے کہ آرمی چیف جنرل قمر جاوید باجوہ سے پاکستان کے دورے پر آئے ہوئے سعودی وزارت دفاع کے ٹرانسفارمیشن مینجمنٹ آفس کے چیف ایگزیکٹو آفیسر،ڈاکٹر سمیر عبدالعزیز الطبییب نے ملاقات کی۔

ملاقات میں باہمی دلچسپی، دوطرفہ دفاعی اور سیکیورٹی تعاون سمیت علاقائی امن و استحکام پر تبادلہ خیال کیا گیا۔

آرمی چیف جنرل قمر جاوید باجوہ نے کہا کہ پاکستان سعودی عرب کے ساتھ اپنے تاریخی اور برادرانہ تعلقات کو خصوصی اہمیت دیتا ہے اور مسلم امہ میں سعودی عرب کے منفرد اور نمایاں حیثیت کو تسلیم کرتا ہے۔

سعودی مہمان نے دفاع اور سلامتی کے شعبوں میں باہمی تعاون بڑھانے کی خواہش کا اظہار کیا۔

انہوں نے پاکستان میں بدترین سیلاب سے ہونے والی تباہی پر اپنے دکھ کا اظہار بھی کیا۔

آرمی چیف نے نے دونوں برادر ممالک کے درمیان تعلقات کو مضبوط بنانے کی کوششوں پر ان کا شکریہ ادا کیا۔

Comments

- Advertisement -