The news is by your side.

Advertisement

آپریشن ضرب عضب کی وجہ سے خطے میں امن قائم ہوا، جنرل راحیل شریف

لاہور : آرمی چیف جنرل راحیل شریف نے کہا ہے کہ آپریشن ضرب عضب کی وجہ سے خطے میں امن قائم ہوا۔
پاک فوج نے دنیا بھر میں اپنی صلاحیتوں کا لوہا منوایا۔

یہ بات انہوں نے لاہور میں پاکستان آرمی کی پیسز انٹرنیشنل مقابلوں کی اختتامی تقریب سے بحیثیت مہمان خصوصی خطاب کرتے ہوئے کہی۔

آرمی چیف جنرل راحیل شریف نے تقریب میں بطور مہمان خصوصی شرکت کی۔ آرمی چیف جنرل راحیل شریف پیسز انٹرنیشنل مقابلوں کی اختتامی تقریب میں شرکت کیلئے لاہورکے فورٹریس اسٹیڈیم پہنچے توحاضرین نے کھڑے ہوکر تالیاں بجاکرشانداراستقبال کیا۔

تقریب کے دوران اپنی مہارت کامظاہرہ کرنے والے جوانوں کوآرمی چیف نے تالیاں بجاکرداد دی۔ آرمی چیف جنرل راحیل شریف کا کہنا تھا کہ تقریب میں شرکت کرنے والوں اور منتظمین کا شکریہ ادا کرتا ہوں۔

دنیا کی 16 بہترین افواج نے چیمپیئن شپ میں شرکت کی،پیسز چیمپیئن شپ سے حصہ لینے والے ممالک کو قریب آنے کا موقع ملا، کھیلوں کے انعقاد سے تمام ممالک کے تعلقات مضبوط ہوں گے۔

بعد ازاں جنرل راحیل شریف نے مقابلوں میں جیتنے والے کھلاڑیوں میں انعامات بھی تقسیم کئے۔ تقریب کے اختتام پر آرمی چیف نے کھلاڑیوں کے ساتھ مصافحہ کیااورتصاویر بھی بنوائیں۔

 

Comments

comments

یہ بھی پڑھیں