The news is by your side.

Advertisement

آرمی چیف کی افغانستان میں دہشت گردحملوں کی شدید مذمت

راولپنڈی : آرمی چیف نے کابل اور قندھار میں ہونے والے دہشت گردی کے واقعات میں قیمتی جانوں کے ضیاع پرافسوس کااظہار کرتے ہوئے کہا ہے کہ پاک فوج افغان عوام کے غم میں برابر کی شریک ہے۔

ڈی جی آئی ایس پی آر میجر جنرل آصف غفور کے مطابق آرمی چیف جنرل قمر جاوید باجوہ نے کابل میں افغان پارلیمنٹ کے نزدیک ہونے والے دھماکوں کے نتیجے میں قیمتی جانوں کے ضیاع پر افسوس کا اظہار کر تے ہوئے دہشت گردی کے واقعے کی شدید الفاظ میں مذمت کی ہے۔

ڈی جی آئی ایس پی آر نے بتایا کہ آرمی چیف قمر باجوہ نے کہا ہے کہ پاک فوج غم کی اس گھڑی میں افغان عوام کے غم میں برابر کی شریک ہے اور دہشت گردی کے خاتمے کے لیے افغان عوام اور افغان فورسز کے ساتھ کھڑی ہے۔


*کابل اور قندھار میں‌ دھماکے، 37 افراد جاں بحق، 98 زخمی


واضح رہے گزشتہ روز افغان پارلیمنٹ کے نزدیک کار بم اور خود کش دھماکے کے نتیجے میں 31 افراد جاں بحق اور 85 سے زائد افراد زخمی ہوگئے تھے زخمیوں میں کئی غیر ملکی حکام بھی شامل تھے۔

Print Friendly, PDF & Email

Comments

comments

یہ بھی پڑھیں