آرمی چیف کی بیلجیئم کی سیاسی اورعسکری قیادت سےملاقاتیں جن میں باہمی دلچسپی کےامور،علاقائی سلامتی اوردوطرفہ تعلقات پرتبادلہ خیال کیا گیا۔
آئی ایس پی آر کے مطابق آرمی چیف جنرل قمر جاوید باجوہ کی بیلجیئم کے وزیر دفاع، چیف آف ڈیفنس اور لینڈ کمپونینٹ کے چیف آف اسٹاف سے ملاقاتیں ہوئیں۔
آئی ایس پی آر کے مطابق ملاقات میں باہمی دلچسپی کےامور،علاقائی سلامتی اوردوطرفہ تعلقات پرتبادلہ خیال گیا۔
اس موقع پر اور دونوں جانب سےفوجی اوردفاعی پیداوارمیں فروغ اور فوجی تربیت، انسداددہشت گردی اورانٹیلی جنس تعاون کےفروغ پربھی اتفاق کیا گیا۔
آرمی چیف قمر جاوید باجوہ نے اس موقع پر کہا کہ پاکستان بیلجیئم کے ساتھ تعلقات کو خصوصی اہمیت دیتا ہے۔
آئی ایس پی آر کے مطابق بیلجیئم کی قیادت نے خطے میں امن واستحکام کے لیے پاکستان کے کردار کی تعریف کی اور پاک افواج کی پیشہ وارانہ مہارتوں کو سراہا۔
