The news is by your side.

Advertisement

آرمی چیف کی امیر قطر سے ملاقات

آرمی چیف جنرل قمر جاوید باجوہ نے امیر قطر شیخ تمیم بن حمد آل ثانی سے ملاقات کی ہے۔

آئی ایس پی آر کے مطابق آرمی چیف جنرل قمر جاوید باجوہ قطر کے سرکاری دورہ پر پہنچے جہاں انہوں نے امیر قطر سے تفصیلی ملاقات کی جس میں قطر کے ڈپٹی وزیراعظم بھی موجود تھے۔

آئی ایس پی آر کا کہنا ہے کہ ملاقات میں باہمی دلچسپی ،دفاعی اور سیکیورٹی تعاون پر بات چیت کی گئی ملاقات میں موجودہ علاقائی صورتحال بھی زیرغورآئی۔

آرمی چیف نے کہا ہے کہ دونوں ممالک کے درمیان تاریخی دوستانہ اور بردرانہ تعلقات ہیں۔

ملاقات میں دونوں جانب سے تمام شعبوں میں تعاون کو مزید فروغ دینے کی اہمیت پر زور دیاگیا۔ قطر کے امیر نے خطے میں امن و استحکام کیلئے پاکستان کی کوششوں کو سراہا جب کہ قطری امیر نے دوطرفہ تعلقات کو وسعت دینے کیلئے اقدامات جاری رکھنے پر اتفاق کیا۔

Comments

یہ بھی پڑھیں