The news is by your side.

Advertisement

نوجوان مستقبل کی قیادت ہیں: آرمی چیف

راولپنڈی: آرمی چیف جنرل قمر جاوید باجوہ نے کہا ہے کہ نوجوان مستقبل کی قیادت ہیں.

ان خیالات کا اظہار انھوں نے امریکی کارنل یونیورسٹی کے طلبہ کے وفد سے ملاقات کے موقع پر کیا.

پاک فوج کے شعبہ برائے تعلقات عامہ (آئی ایس پی آر) کے مطابق اس موقع پر آرمی چیف نے کہا کہ ہرشعبے میں نوجوانوں کا اہم کردار ہے، پاکستان کے نوجوان باصلاحیت اور پرعزم ہیں.

مزید پڑھیں: آرمی چیف سے زلمے خلیل زاد کی ملاقات، افغان مفاہمتی عمل پر تبادلہ خیال

آرمی چیف جنرل قمرجاوید باجوہ نے کہا کہ دہشت گردی کے خلاف جنگ میں نوجوانوں کی بہادری سے کامیابیاں ملیں، نوجوان ترقی میں بھرپورکردار ادا کر رہے ہیں.

ہرشعبے میں نوجوانوں کا اہم کردار ہے، پاکستان کے نوجوان باصلاحیت اور پرعزم ہیں

آرمی چیف

اس موقع پر آرمی چیف نے امن کے سفرمیں پاکستان کے تجربات پرتفصیلی روشنی ڈالی.

آئی ایس پی آر کے مطابق امریکی طلبہ نے لاہور، ہنزہ، پارلیمنٹ اور اسلام آباد کا دورہ کیا.

امریکی طلبہ نے اپنی گفتگو میں کہا کہ پاکستان ایک خوبصورت اورپرامن ملک ہے، یہاں سے حسین یادیں لے کر جا رہے ہیں، امریکا میں پاکستان کی حقیقی تصویرکی عکاسی کریں گے.

Comments

comments

یہ بھی پڑھیں