site
stats
پاکستان

چین کی پیپلز لبریشن آرمی کی 89 ویں سال گرہ کی تقریب میں راحیل شریف کی خصوصی شرکت

اسلام آباد : چین کی دفاعی فورس پیپلز لبریشن آرمی کی 89 ویں سالگرہ کے موقع پر منعقد کردہ پر وقار تقریب سے خطاب کرتے ہوئے پاکستان کے چیف آف آرمی اسٹاف جنرل راحیل شریف نے پاک چین دوستی کو قابلِ فخر قرار دیا اور سی پیک کی باحفاظت تکمیل کے عزم کا اظہار کیا۔

ذرائع مطابق اسلام آباد میں واقع چینی سفارت خانے میں چینی لبریشن آرمی کی 89 ویں سالگرہ کے حوالے سے ایک با وقار تقریب کا انعقاد کیا گیا،تقریب میں پاکستان کے چیف آف آرمی اسٹاف جنرل راحیل شریف نے خصوصی طور پر شرکت کی اور چینی عوام و خواص کو پیپلز لبریشن آرمی کی سالگرہ کی مبارکباد دی،تقریب سے چین کے سرکاری حکام و عمائدین اور دفاعی ماہرین نے بھی خطاب کیا۔

آئی ایس پی آر کے ترجمان کے چیف آف آرمی اسٹاف راحیل شریف نے تقریب سے خطاب کرتے ہوئے کہا کہ پیپلز لبریشن آرمی کو ذبردست خراج تحسین پیش کرتے ہوئے اِسے دنیا کی طاقتور ترین فوج قرار دیا اور پاک چین دوستی اور خوشگوار تعلقات کا خصوصی ذکر کیا۔

اس موقع پر پاک چائنا اقتصادی راہداری کا حوالہ دیتے ہوئے آرمی چیف نے کہا کہ سی پیک پاکستان اور خطے کے لیے گیم چینجر ہے جس کے ذریعے 100 ملین لوگوں کی زندگی میں واضح بہتری آئے گی اور اس راہدری کی تعمیر سے اقتصادی ترقی کے باعث لوگوں کا معیار زندگی بلند ہوگا۔

army1

آرمی چیف نے سی پیک کی بر وقت تکمیل کو کسی روکاوٹ کے بغیر یقینی بنانے کا عزم کا اظہار کرتے ہوئے کہا کہ پاک چائنا اقتصادی راہداری کی حفاظت کرنا ہمارا قومی عزم ہے جس میں پاک فوج کے ساتھ ایک ایک پاکستانی شانہ بشانہ کھڑا ہے۔

پاک چین تعلقات کا ذکر کرتے ہوئے انہوں نے کہا کہ پاکستان اور چین کے خیالات میں مطابقت مشترکہ سوچ کے عکاس ہیں،پاک چین دوستی ہر قسم کے مفاد سے بالاتر ہے اور دونوں ممالک ضطے میں قیام امن اور ترقی کے خواہ ہیں اور اس سلسلے میں ہر ممکن تعاون کو یقینی بنایا جائے گا۔

army2

آپریشن ضرب عضب کا حوالہ سیتے ہوئے آرمی چیف نے کہا کہ دہشت گردوں،جرائم پیشہ افراد اور بد عنوان عناصر کا گٹھ جوڑ توڑنے کے لیے پر عزم ہیں،دہشت گردوں کے خلاف آپریشن ضرب عضب بلا تفریقِ رنگ و نسل اور آخری دہشت گردی کے خاتمے تک جاری رہے گا۔

اس موقع پر چینی حکام نے تقریب سے خطاب کرتے ہوئے دہشت گردی کے خاتمے کی جنگ میں پاک فوج کی خدمات کو سراہتے ہوئے ذبردست خراجِ تحسین پیش کرتے ہوئے پاک چین اقتصادی راہداری کے قیام کے حوالے سے پاک فوج کے کردار پر اظہارِ تشکر کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top