The news is by your side.

Advertisement

آرمی چیف کی وزیراعظم آزاد کشمیر اوریو اے ای کے سفیرسے ملاقات

راولپنڈی : آرمی چیف جنرل قمر جاوید باجوہ نے کہا ہے کہ پاک فوج ہر طرح کے خطرات سے بہت اچھی طرح نمٹنا جانتی ہے، ان خیالات کا اظہار انہوں نے راولپنڈی میں وزیراعظم آزاد جموں و کشمیر راجہ فاروق حیدر سے ملاقات کے موقع پر کیا۔

؎پاک فوج کے شعبہ تعلقات عامہ آئی ایس پی آر کے مطابق آرمی چیف سے جنرل قمر جاوید باجوہ سے وزیراعظم آزاد جموں و کشمیر راجہ فاروق حیدر نے ملاقات کی ہے۔ ملاقات میں لائن آف کنٹرول کی موجودہ صورتحال اور باہمی دلچسپی کے امور پرتبادلہ خیال کیا گیا۔

army-chief-post

اس موقع پر راجہ فاروق حیدر نے آزاد کشمیر میں سیکیورٹی اور جاری ترقیاتی منصوبوں میں تعاون پر سربراہ پاک فوج کا شکریہ ادا کیا۔

علاوہ ازیں ڈی جی آئی ایس پی آر آصف غفور کے مطابق آرمی چیف سے متحدہ عرب امارات کے سفیر عیسیٰ عبداللہ الباشا نے بھی جی ایچ کیو میں ملاقات کی۔

آرمی چیف نے قندھار دھماکے میں یو اے ای کے شہریوں کے جاں بحق ہونے پر اظہار افسوس کیا۔ آرمی چیف نے خیبرپختونخوا اور فاٹا میں ترقیاتی منصوبوں میں متحدہ عرب امارات کے تعاون کو سراہا۔

انہوں نے دونوں ممالک کے مابین تعاون بڑھانے کے حوالے سے سفیرکے کردارکو بھی سراہا۔ یو اے ای کے سفیر نے دہشت گردی کے خلاف جنگ کی تعریف کی اور تعاون جاری رکھنے کاعزم ظاہر کیا۔

Print Friendly, PDF & Email

Comments

comments

یہ بھی پڑھیں