site
stats
پاکستان

آرمی چیف کی انجینیئرسینٹررسالپورآمد، بیجزلگانےکی باوقارتقریب میں شرکت

راولپنڈی : آرمی چیف جنرل قمرجاوید باجوہ نے انجینیرز سینٹررسالپور کا دورہ کیا جہاں لیفٹیننٹ جنرل جاوید محمود بخاری کو انجینیرنگ کور کے کرنل کمانڈنٹ کے بیج لگائے اور تقریب کے بعد آرمی چیف جوانوں اور افسران میں گھل مل گئے۔

پاک فوج کے شعبہ تعلقات عامہ (آئی ایس پی آر ) کے مطابق آرمی چیف جنرل قمرجاوید باجوہ مختصر دورے پر انجینیرز سینٹر رسالپور پہنچے اور مختلف شعبوں کا جائزہ لیا اور جوانوں اور افسران کے عزم و حوصلے کی تعریف کی۔

دریں اثناء ایک پُر وقار تقریب میں پاک فوج کے سربراہ جنرل قمر باجوہ نے انجینیرنگ کور کے لیفٹیننٹ جنرل جاویدمحمودبخاری کوانجینیرنگ کور کے کر نل کمانڈنٹ کے بیج لگائے، خیال رہے کہ مخلتف کورسز میں امتیازی کارکردگی دکھانے والے لیفٹیننٹ جنرل جاوید محمود بخاری نے پی ایم اے سے اعزازی شمشیر حاصل کر رکھی ہے۔

ڈی جی آئی ایس پی آر میجر جنرل آصف غفور کے مطابق آرمی چیف جنرل قمر باجوہ تقریب کے بعد جوانوں اور افسران میں گھل مل گئے اور پیشہ ورانہ امور پر غیر رسمی گفتگو بھی کی، اس باوقار تقریب میں رئٹائرڈ اور حاضر سروس افسروں کی ایک کثیر تعداد نے شرکت کی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top