پاک فوج کی کوششوں سے بلوچستان میں امن قائم ہوا، آرمی چیف army-chief
The news is by your side.

Advertisement

پاک فوج کی کوششوں سے بلوچستان میں امن قائم ہوا، آرمی چیف

 

راولپنڈی : آرمی چیف جنرل قمرجاوید باجوہ نے کہا ہے کہ پاک فوج اور قانون نافذ کرنے والے اداروں کی کوششوں سے سیکیورٹی صورت حال بہتر ہوئی ہے۔

آئی ایس پی آر کے مطابق آرمی چیف نے یہ بات بلوچستان کے ضلع آواران کے دورے کے دوران کہی اوراس عزم کا اعادہ کیا کہ بلوچستان کی تعمیر و ترقی میں اپنا بھرپور کردار ادا کرتے رہیں گے۔

آئی ایس پی آر کے ترجمان کے مطابق آرمی چیف کو صوبے کی سیکیورٹی صورت حال سے متعلق بریفنگ دی گئی اور کالعدم جماعتوں کی سرکوبی کے لیے کیئے گئے آپریشن کی تفصیلات سے بھی آگاہ کیا جب کہ مختلف دہشت گردوں کے ہتھیار ڈال کر قومی دھارے میں شامل ہونے سے متعلق رپورٹ بھی زیر بحث آئی۔

اس موقع پر ضلع آواران میں تعلیم، صحت اور سماجی بہبود سے متعلق پروجیکٹس کی تفصیلات کا ذکر کرتے ہوئے آرمی چیف کو بتایا گیا کہ اس وقت 200 طلبا کو آواران میں مفت تعلیم فراہم کی جا رہی ہے۔

آرمی چیف قمر باجوہ نے سیکیورٹی صورت حال پر اطمینا ن کا اظہار کرتے ہوئے کہا کہ قانون نافذ کرنے والے اداروں کی کوششوں سے سیکیورٹی صورت حال بہترہوئی ہے اور بلوچستان کی ترقی کے لیے پاک فوج اپنا کردار ادا کرتی رہے گی۔

Comments

comments

یہ بھی پڑھیں