site
stats
اہم ترین

آرمی چیف کی شہید میجراسحاق کے گھر آمد، فاتحہ خوانی اور اہل خانہ سے ملاقات

راولپنڈی : آرمی چیف قمر باجوہ نے کہا ہے کہ پاک فوج کے افسران اور جوانوں کی عظیم قربانیاں رائیگاں نہیں جائیں گی اور دہشت گرد اپنے بزدلانہ اقدامات سے ہمارے حوصلوں کو پست نہیں کر سکتے.

پاک فوج کے تعلقات عامہ کے ادارے (آئی ایس پی آر) کے مطابق آرمی چیف جنرل قمر باجوہ نے لاہور میں واقع میجرشہید اسحاق کے گھر پہنچ کر شہید کے اہل خانہ کو خراج تحسین پیش کیا اور لواحقین سے ملاقات کی.

آرمی چیف نے میجرشہید اسحاق کے ایصال ثواب کے لیے فاتحہ خوانی کی اور کچھ وقت شہید کے اہل خانہ کے ساتھ گزارا جہاں اہل خانہ نے شہید میجر سے وابستہ یادوں کو تازہ کیا.

آرمی چیف نے شہید میجر اسحاق کے اہل خانہ کے عزم و حوصلے کی تعریف کی اور پاک سرزمین کے دفاع میں شہیدوں کی لازوال قربانیوں کو سراہتے ہوئے کہا کہ پاک فوج کے شیروں کی قربانیاں رائیگاں نہیں جائیں گی.

سپہ سالار پاک فوج نے کہا کہ ہر قیمت پر وطن کے دفاع کو ممکن بنائیں گے اور اس کے لیے کسی قسم کی قربانی سے دریغ نہیں کیا جائے گا، اس موقع پر آرمی چیف کے ہمراہ کورکمانڈر لاہور عامر ریاض بھی موجود تھے.

یاد رہے میجر اسحاق شہید نے 22 نومبر 2017 کو ڈیرہ اسماعیل خان کےعلاقے کلاچی میں دہشت گردوں کے خلاف کارروائی کے دوران جام شہادت نوش کیا تھا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top