The news is by your side.

Advertisement

پاک فضائیہ کی خدمات پر پوری قوم کو فخر ہے، آرمی چیف

اسلام آباد : پاک آرمی چیف قمر باجوہ نے کہا ہے کہ پاک فضائیہ نے دہشت گردوں کے ٹھکانے ختم کرنے میں اہم کردار ادا کیا ہے جس کے لیے پوری قوم پاک فضائیہ پر فخر کرتی ہے.

ان خیالات کا اظہار انہوں نے اصغر خان پی اے ایف اکیڈمی میں پاسنگ آؤٹ پریڈ سے بہ طور مہمان خصوصی خطاب کرتے ہوئے کیا اس موقع پر پاک فضائیہ کے سربراہ ایئر چیف مارشل سہیل امان سمیت اعلیٰ فوجی حکام بھی موجود تھے.

آئی ایس پی آر کے مطابق سربراہ پاک فوج جنرل قمر باجوہ کا کہنا تھا کہ پاکستان ایک امن پسند ملک ہے اور ہر سطح پر امن کے فروغ کے لیے کوشاں ہے تاہم اگر جنگ مسلط کی تو منہ توڑ جواب دینے کی صلاحیت بھی رکھتے ہیں.

انہوں نے کہا کہ مسلح افواج اندورنی اوربیرونی خطرات سےنمٹنےکے لیے تیار ہے اگر دشمن نے مہم جوئی کی تو اسے بھاری قیمت چکانی پڑے گی.

آرمی چیف جنرل قمر باجوہ نے کہا کہ قومی دفاع میں پاک فضائیہ کی خصوصی اہمیت ہے اور دہشت گردی کے خلاف پاک فضائیہ کا تعاون قابل قدر ہے جس پر پوری قوم کو فخر ہے.

آئی ایس پی آر کے مطابق اصغر خان پی اے ایف اکیڈمی میں پاسنگ آؤٹ کیڈٹس میں سعودی عرب اور اردن کے کیڈٹ بھی شامل تھے جب کہ کیڈٹ سرجنٹ موحد شہباز کواعزازی شمشیر سے نوازا گیا اور 6 خواتین کیڈٹس بھی پاسنگ آؤٹ پریڈ میں شریک تھیں.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں