The news is by your side.

Advertisement

پاک فوج اور رینجرز کسی بھی خطرے سے نمٹ سکتے ہیں: آرمی چیف

لاہور: آرمی چیف نے کہا کہ قوم دہشت گردی کے خلاف جنگ میں پاک فوج کے کردار پرفخر کرتی ہے، پاک فوج اور رینجرز باہمی تعاون سے ملک کے خلاف کسی بھی قسم کی مہم جوئی سے نمٹنے کے لئے مکمل تیار ہیں.

آئی ایس پی آر کے مطابق آرمی چیف جنرل قمر جاوید باجوہ کا لاہور گیریژن کا دورہ کیا ، انہوں نے کور ہیڈ کوارٹرز اور پنجاب رینجرز ہیڈکوارٹرز دورہ بھی کیا ، جہاں آرمی چیف کو پیشہ ورانہ تیاریوں کے حوالے سے بریفنگ دی گئی.

اس موقع پر آرمی چیف نے جوانوں سے خطاب کرتے ہوئے کہا کہ قوم دہشت گردی کے خلاف جنگ میں پاک فوج کے کردار پرفخر کرتی ہے، انہوں نے پرعزم ہوکر کہا کہ مادروطن کے دفاع کے لئے قوم کی توقعات پرپورا اتریں گے.

آرمی چیف جنرل قمر جاوید باجوہ نے کہا کہ رینجرز اور فوج داخلی سیکیورٹی خدشات پرقابو پانے میں اہم کردار اداکررہے ہیں، رینجرز ورکنگ باؤنڈری پر موثر انداز میں اپنا کردار ادا کررہی ہے ، انہوں‌ نے کہا کہ پاک فوج اور رینجرز باہمی تعاون سے ملک کے خلاف کسی بھی قسم کی مہم جوئی سے نمٹنے کے لئے مکمل تیار ہیں.

بھارت کی جانب سے معمول کے مطابق لائن آف کنڑول کی خلاف ورزی پر جنرل قمر جاوید باجوہ کا کہنا تھا کہ بھارت کی جانب سے سیز فائر کی خلاف ورزیاں مقبوضہ کشمیر میں مظالم سے توجہ ہٹانے کی کوشش ہے.

بعد ازاں آرمی چیف جنرل قمر جاوید باجوہ نے یادگارشہدا پرپھول چڑھائے اور فاتحہ خوانی کی.

Print Friendly, PDF & Email

Comments

comments

یہ بھی پڑھیں