آرمی چیف نے 12 دہشتگردوں کی سزائے موت کے پروانے پردستخط کردیے -
The news is by your side.

Advertisement

آرمی چیف نے 12 دہشتگردوں کی سزائے موت کے پروانے پردستخط کردیے

راولپنڈی: آرمی چیف جنرل راحیل شریف دہشت گردی میں ملوث 12 ہائی پروفائل دہشت گردوں کی سزائے موت کے احکامات جاری کردیئے ہیں۔

آئی ایس پی آرکے مطابق سزائے موت پانے والےدہشت گرد بنوں جیل بریک، مسلح افواج، قانون نافذ کرنے والے اداروں اورعام شہریوں پرحملوں میں ملوث ہیں۔

آئی ایس پی آرنے سزائے موت پانے والے 12 دہشت گردوں کی تفصیلات بھی جاری کردی ہیں ۔

سزائے موت پانے والے دہشت گردوں میں محمد عربی بن حافظ صادق، رفیع اللہ بن محمد مسکین، قاری آصف محمود بن محمد انور،صالح بن گل خان، ذیشان بن عبدالقیوم، ناصر خان بن خان اصفر، شوکت علی بن عبدالجبار، امداد اللہ بن عبدالواجد، محمد عمر بن سیدا جان، صابر بن احمد شاہ، خندان بن دوست خان اورانورعلی بن فضل شامل ہیں۔

سزائے موت پانے والے دہشتے گردوں میں سے آٹھ کا تعلق تحریک طالبان پاکستان، تین کا تعلق القائدہ اورایک کا تعلق سپاہ صحابہ پاکستان سے ہے۔

دہشت گردوں کو جلد ہی تختہ دار کے حوالے کرکے انہیں ان کے منطقی انجام تک پہنچایا جائے گا۔

Comments

comments

یہ بھی پڑھیں