راولپنڈی: آرمی چیف جنرل قمر باجوہ نے کہا ہے کہ مقاصد کے حصول تک دہشت گردوں کے خلاف آپریشنز بھر پور انداز سے جاری رہیں گے۔
یہ بات آرمی چیف جنرل قمر جاوید باجوہ نے راولپنڈی میں ہونے والی کور کمانڈر کانفرنس سے خطاب کرتے ہوئے کہی, انہوں نے انسداد دہشت گردی اورانٹیلی جنس بیس آپریشنز پراطمینان کا اظہار کیا۔
آئی ایس پی آر کے مطابق 199 ویں کور کمانڈر کانفرنس آج راولپنڈی میں چیف آف آرمی اسٹاف جنرل قمر جاوید باجوہ کی صدارت میں جی ایچ کیو میں منعقد ہوئی۔
Corps Comds Conf. Expressed satisfaction on progress of CT / Intel based ops. "Ops will cont till achievement of desired end state”,#COAS. pic.twitter.com/g00cdzCtFr
— Maj Gen Asif Ghafoor (@OfficialDGISPR) February 8, 2017
کور کمانڈر کانفرنس میں سیکیورٹی سے متعلق امور پرتبادلہ خیال کیا گیا اور بھارت کی لائن آف کنٹرول کی خلاف ورزیوں کو خطے کے پائیدار امن کے لیے خطرناک قرارد دیا۔
کور کمانڈر کانفرنس کے شرکاء نے حال ہی میں افغانستان میں ہونے والی دہشت گردی کے واقعات کی مذمت کرتے ہوئے دہشت گردی کے واقعات میں جانی نقصان پرافغان فورسز اور افغان عوام سے یکجہتی کا اظہار کیا۔
کور کمانڈر کانفرنس کے شرکاء نے ملک سے دہشت گردی کے خاتمے کے لیے جاری آپریشنز پر اطمینان کا اظہار کرتے ہوئے دہشت گردی کے عفریت کوجڑ سے ختم کرنے کے عزم کا اعادہ کیا۔
اس موقع پر آرمی چیف قمر جاوید باجوہ نے کانفرنس کے شرکاء کو مقاصد کے حصول تک انسداد دہشت گردی کے لیے کیے جانے والے آپریشنز کو بھرپور انداز سے جاری رکھنے کی ہدایات بھی دیں۔
