راولپنڈی: آرمی چیف جنرل قمر باجوہ نے کہا ہے کہ اسٹریٹجک پروگرام کی ترقی میں سائنس دانوں اور انجینئرز کی کاوشیں قابل قدرہیں جنہوں نے پاکستان کا دفاع ناقابلِ تسخیر بنادیا۔
پاک فوج کے شعبہ تعلقات عامہ کے مطابق آرمی چیف نے یہ گفتگو اسٹریٹجک پلاننگ ڈویژن کے دورے کے موقع پر سائنس دانوں اور انجینئرز سے بات چیت کے دوران کہی۔
#COAS visited Strategic Plans Division. Underlined the centrality of Pakistan’s Strategic Program against specified threat to our security. pic.twitter.com/uDRjKVa0QR
— Maj Gen Asif Ghafoor (@OfficialDGISPR) February 13, 2017
انہوں نے مزید کہا کہ کہ اسٹریٹجک پلاننگ ڈویژن کا جامع سیکیورٹی نظام اطمینان بخش ہے اور پاکستان کا اسٹریٹجک پروگرام خاص خطرات کے پیش نظر ہے۔
ڈی جی آئی ایس پی آر میجر جنرل آصف غفور کے مطابق ڈائریکٹر جنرل ایس پی ڈی لیفٹیننٹ جنرل مظہر جمیل نے آرمی چیف کا استقبال کیا اور آرمی چیف کو پاکستان کے اسٹریٹجک پروگرام کے بارے میں بریفنگ دی اور نئے پروجیکٹس کے حوالے سے آگاہ کیا گیا۔
آرمی چیف نے اسٹریٹجک پلاننگ ڈویژن سے جڑے سائنس دانوں اور انجینئرز کی کاوشوں کو سراہتے ہوئے کہا کہ ملک کی دفاع اور سلامتی کے لیے جدید ایجادات اور سہولیات سے فائدہ اُٹھانا ضروری امر ہے جس کے لیے پی ایس ڈی کی کاوشیں قابلِ ستائش ہیں۔
